Biha Kappa v2.p169

v2.p169

[nissāpagayaṃ ? tāhe tāo imaṃ akkhāejja -
seyaṃ va siṃdhavaṇṇaṃ, adhavā mailaṃ ca tatiyagaṃ vatthaṃ | tasseva hoti gahaṇaṃ, vivajjae bhāva jāṇittā ||4170|| puvvagatā bhe paḍicchaha, amhe vi ya emu tā tahiṃ gataṃ | guru āgamaṇa kadhettā, ṇīṇāveṃtā''gate tammi ||4171||
"seyaṃ va siṃdhavaṇṇaṃ0" ["puvvagatā0"] gāhā | ekkaṃ setaṃ vaṇṇeṇa, seṃdhavavaṇṇaṃ pāṃḍuraṃ bitiyaṃ, parimailaṃ tatiyaṃ | āyariyo taṃ vaṇṇappamāṇeṇaṃ ca cindhettā pavattiṇi bhaṇati - tubbhe tahiṃ puvvagayāo paḍikkhaha | amhe vi aṇumaggato ceva emo | tāhe tāo gihatthakulaṃ gaṃtuṃ te saṇṇātae bhaṇaṃti āyariyā ceva tahiṃ eṃti | tāhe āriehiṃ āgatehiṃ saṃjatīo te gihatthe bhaṇaṃti - ṇīṇeha tāṇi vatthāṇi jehiṃ amhe ṇimaṃtitāo | jai tāṇi ṇīṇeti vatthāṇi geṇhaṃti | aha aṇṇāṇi ṇīṇeti to bhaṇaṃti
annaṃ imaṃ ti puṭṭā, bhaṇaṃti kidha tubbha tārisaṃ demo | iti bhadde paṃtesu tu, dhuṇaṃti sīsaṃ ṇa taṃ etaṃ ||4172||
"annaṃ imaṃ01" gāhā | te puṇa dātāro bhaddagā vā hojja paṃtā vā | je bhaddagā te bhaṇaṃtiṇa tubbhaṃ tārisāṇi vatthāṇi joggāṇi | imāṇi suṃdaratarāṇi geṇhaha| aha te paṃtā, tāhe āyariehiṃ sīsaṃ kaṃpetavvaṃ | kiṃ kāraṇaṃ ? tehi tāṇi vatthāṇi abhijoiyāṇi hojja, tāhe te evaṃ cineti -
bahu jāṇitā na sakkā, vaṃceu tesi jāṇiuṃ bhāvaṃ |
ṇecchaṃti bhaddaesu tu, pahaṭṭhabhāvesu geṇhaṃti ||4173|| "bahu jāṇitā0" gāhā |
na vi evaṃ taṃ vatthaṃ, jaṃ taṃ ajjāṇa ṇīṇiyaṃ bhe tti | tubbhe imaṃ paḍicchadha, taṃ ciya etāṇa dāhāmo ||4174|| aṇṇeṇa ṇe ṇa kajjaṃ, etaṭṭā ceva geṇhimo amhe |
jati tāṇi vi iti vutte, ṇīṇeti due vi giṇhaṃti ||4175||
"na vi eyaṃ0" ["aṇṇeṇa ṇe ṇa0"] gāhādvayaṃ kaṇṭhyaṃ | jai āyariehi vutte ṇa etaṃ vatthaṃ jehi tubbhehi ajjāo ṇimaṃtitāo | tāhe te gihatthā jai bhaṇejja - tubbhe
1. idaṃ
- muca |