Biha Kappa v2.p171

v2.p171

[nissāpagayaṃ paṃto daṭṭhaṇa tagaṃ, saṃkāe avaṇayaṃ karejjāhi |
aṇṇāsi vā diṇṇaṃ, vaitaṃ ṇīyaṃ va hasitā va ||4185|| tubbhe vi kahaṃ vimuhe, kāhāmo teṇa demoṃ se aṇṇaṃ | iti paṃte vajjaṇatā, bhaddesu tadheva geṇhaṃtī ||4186|| aṃbā vi hoṃti sittā, piyaro vi ya tappiyā vade bhaddo | dhammo ya ṇe bhavissati, tubbhaṃ ca piyaṃ ato aṇṇaṃ ||4187|| vevahu calā ya diṭṭhī, aṇṇoṇṇaṇirikkhiyaṃ khalati vāyā | deṇṇaṃ muhavevaṇṇaṃ, na yāṇurāgo u kārīṇaṃ ||4188||
"suttaṇivāto0" [ “sāhū jayā0" "asatī0" "asatī pavatti0" "dubbhūimādīsu0" "sejjāyaro ya0" "paṃto daṭṭaṇa0" "tubbhe vi0" "aṃbā vi0" "vevahu calā0"] gāhā | therī jati kahiyi ṇimaṃtijjati sā pavattiṇīṇīsāe mā(vā)se ghettuṃ deti, tīse ṇatthi te dosā | kappaṭṭhīṇaṃ ṇa kappati ghettuṃ heṭṭhā ṇivāriyaṃ | āyario ṇatthi tāhe tāo pavattiṇiṃ āṇeti | tāhe therīo paricchaṃti |
sesā gāhā| kaṇṭhyā | dubbhūtaṃ = asivaṃ, asive ekkākī sejjātaraṇissāe vasejja | tattha ṇimaṃtiyā sejjātaraṃ paricchāveti jāva 'ṇa yāṇurāgo u kārīṇaṃ' ṇa hoti haṭṭhapahaṭṭho | akārā asyāstīti akārī | 'avaṇayaṃ' ti likkhāvejja |
|| nissāpagayaṃ samattaṃ ||