Biha Kappa v2.p172

v2.p172

|| tikasiṇapagayaṃ ||
[suttaṃ]-niggaṃthassa tappaḍhamayāe saṃpavvayamāṇassa kappati rayaharaṇagocchapaḍiggahamāyāe tihiṃ kasiṇehiṃ vatthehiṃ āyāe saṃpavvaittae | se a puvvovaṭṭhie siyā evaṃ se no kappai rayaharaṇapaḍiggahagocchayamāyāe tihi ya kasiṇehiṃ vatthehiṃ āyāe saṃpavvaittae | kappai se ahāpariggahiyāī vatthāī gahāya āyāe saṃpavvaittae ||3-13||
"niggaṃthassa ṇaṃ tappaḍhamatāe" suttaṃ uccāreyavvaṃ | sambandho - ṇiggaṃthicelagahaṇaṃ, bhaṇiyaṃ samaṇāṇidāṇi vocchāmi | nikkhaṃte vā vuttaṃ, nikkhamamāṇe imaṃ suttaṃ ||4189||
"ṇiggaṃthi0" gāhā | kaṇṭhyā | codako bhaṇati - ṇa tāva pavvayati kahaṃ niggaṃtho bhavati ? ārito bhaṇati
davvammi ya bhāvammi ya, pavvaie ettha hoti caubhaṃgo | davveṇa liṃgasahito, ohāvati jo u ṇīsaṃko ||4190|| pavvajjāem̐ abhimuho, paraliṃge kāraṇeṇa vā bitiyo | tatito u ubhayasahito, ubhaovijaḍhe carima bhaṃgo ||4191||
"davvammi ya0" gāhā | davvato niggaṃtho na bhāvato, bhāvato niggaṃtho ṇa davvato, davvato vi bhāvato vi niggaṃtho, na vi davvato na vi bhāvato śūnyaḥ | tattha paḍhamabhaṃgo, jo saliṃgo uppavvayaṇaṭṭhāe gacchati | sesaṃ gāhāsiddhaṃ | atrācāryo dṛṣṭāntaṃ kartukāmaḥ siddhāntaṃ prajñapayati | kiṃ kāraṇaṃ ? mā bhūcchiṣyasya matiḥ syādanupapannaṃ devasya mahelikāyāssākaṃ saṃvāsa iti |
cahuhā khalu saṃvāso, devā'sura rakkhase maṇusse ya |
aṇṇoṇṇakāmaṇeṇa ya, saṃjogā solasa havaṃti ||4192||
"cahudhā khalu0" gāhā | devo devīe saddhi saṃvasati 1 devo asurīe 2 devo maṇuyīe 3 devo rakkhasīe 4 | ete cattāri | asuro devīe 1 asuro asurīe 2 asuro maṇuyīe 3 asuro rakkhasīe 4 | evaṃ cattāri | caukkā solasa |