Biha Kappa v2.p179

v2.p179

[tikasiṇapagayaṃ "pajjoe0" [“kammammi0" "bhīeṇa0"] gāhātrayam |
emeva tosalīe, isivālo vāṇamaṃtaro tattha | ṇijjita isītalāge, rāyagihe sālibhaddassa ||4223||
"emeva tosalīe0" gāhā | tosaliccaeṇa vi vāṇiyaeṇa emeva kīo ujjeṇīo tassa isī ṇāmaṃ vāṇamaṃtarassa, teṇa kayaṃ talāgaṃ isitalāgaṃ | rāyagihe sālibhaddassa uvahī kīo sayasahasseṇaṃ | kuttiya bhaṃḍakiṇāṇa tti gayaṃ |
idāṇiṃ ukkosa hoṃti satteva tti dāraṃ |
tiṇṇi ya attadrutī, cattāri ya pūyaṇārihe deti | ditassa ya ghittavvo, sehassa viviṃcaṇaṃ vā vi ||4224||
"tiṇṇi ya0" gāhā | ee miliyā satta bhavaṃti | tao kuttiyāvaṇāo ghettūṇa tiṇṇi appaṇā geṇhai | cattāri pūyaṇiyāṇa dei | deṃtassa jai suddho ghettavvo, jeṇa vihiṇā heṭṭhā bhaṇio tahā, jai suddho | aha asuddho sehassa dijjai | asai sehe virgicijjai | so vā harei |
evaṃ tassa tiṇṇi niyogā | tassa tihi ṇiogehi imaṃ bhavai -
sajjhāe palimaṃtho, paḍilehaṇiyāem̐ so havai siggo | egaṃ ca deti tahitaṃ, doṇṇi ya se appaṇo huṃti ||4225||
"sajjhāe0" gāhā | evaṃ so niviṇṇo | ege ṇiugaṃ āyariyāṇaṃ dei | anne doṇṇi tassa | tāhe so tehi dohi ṇiogehiṃ aīva uṃduṃdugo dīsai māse puṇṇe' saṃkamaṃto ceḍarūvehiṃ bhannai -
ṇiggamaṇe bahubhaṃḍo, katto kataro va vāṇio ei | bitiyaṃ pi deti tahiyaṃ, mā bhaṃte ! dullahaṃ hojjā ||4226||
"ṇiggamaṇe0" gāhā | tāhe biiyaṃ viṇiyogaṃ āyariyāṇaṃ deti tāhe bhaṇiyavvaṃ - ajjo ! mā te dullabhaṃ hojja uvakaraṇaṃ | tāhe so imaṃ bhaṇei -
bhāreṇa khaṃdhaṃ ca kaḍī ya bāhā, pīlijjae nissasae ya uccaṃ | teṇā ya uvadhīṇamabhiddavejjā, ṇa ittiyā iṃti mamovabhogaṃ ||4227|| "bhāreṇa0" vṛttam | 1. punaḥ ka ḍa | puna a ba i |