Biha Kappa v2.p180

v2.p180

jaṃ hohiti bahugāṇaṃ, imammi dhammacaraṇaṃ pavaṇṇāṇaṃ | taṃ hohiti amhaṃ pī, tumhehi samaṃ pavaṇṇāṇaṃ ||4228||
"jaṃ hohiti0" gāhā | tāhe gheppai | suttaṃ ‘se ya puvvovaṭṭhiyae siyā' puvvovaḍhio ṇāma purāṇo |
siddhī vīraṇasaḍhae, abbhuṭṭhāṇaṃ puṇo ajāṇate |
kata kāritaṃ ca kītaṃ, jāṇaṃte adhāpariggahite ||4229||
"siddhī vīraṇa0" gāhā | siddhī ṇāma pavajjā | kahaṃ so abbhuṭṭhio pavvajjāe ? ettha diṭuṃto vīraṇa thaṃbheṇaṃ so nadī tao (tīraruho) jāo gāhāsiddhaṃ |
jaha so vīraṇasaḍhao, ṇaitīraruho jalassa vegeṇaṃ | thovaṃ thovaṃ khaṇatā, chūḍho soyaṃ tato vūḍho ||4230|| ṭhiyagamiyadiṭhṭha'diḍhehi sādhuhiṃ aharihaṃ samaṇusaṭṭho | uṇhehuṇhatarehi ya, cālijjati baddhamūlo vi ||4231|| kappākappavisese, aṇadhīe jo u saṃjamā calio | puvvagamo tassa bhave, jāṇate jāim̐ suddhāiṃ ||4232||
"jaha so vīraṇasaḍhao ṇaditīraruho0" ["ṭhiyagamiya0" "kappākappa0"] gāhāsiddhaṃ | ṭhaehiṃ ya gacchaṃtehiṃ ya sāhūhi pharusavayaṇehiṃ coijjato cālio mauehiṃ ya | so jai kappiyākappie visesaṃ ṇa jāṇai tassa jahā gihatthasehassa | jo puṇa jāṇai tassa jāṇi ahāpariggahiyāṇi tāṇi kappaṃti saṃjayāṇaṃ, ṇa jāṇi kīyādīṇi |
[suttaṃ]-niggaṃthīe ṇaṃ tappaḍhamayāe saṃpavvayamāṇīe kappati rayaharaṇagocchapaḍiggahamāyāe cauhiṃ kasiṇehiṃ vatthehiṃ āyāe saṃpavvaittae | sā ya puvvovaṭṭhiyā siyā evaṃ se no kappai rayaharaṇagocchapaḍiggahamāyāe cauhiṃ kasiṇehiṃ vatthehiṃ āyāe saṃpavvaittae | kappati se ahāpariggahiehiṃ vatthehiṃ āyāe saṃpavvaittae ||3-14||
suttaṃ "niggaṃthieṇaṃ tappaḍhamatāe saṃpavvatamāṇīe kappati jāva saṃpavvaittae" eseva gamo niyamā, niggaṃthīṇaṃ pi hoi nāyavvo | jāṇaṃtīṇaṃ kappati, ghettuṃ jeṃ adhāpariggahite ||4233||