Biha Kappa v2.p185

v2.p185

[samosaraṇapagayaṃ "doṇhaṃ0" gāhā | donhaṃ donhaṃ jaṇāṇaṃ ekkassa uvakaraṇaṃ airegaṃ bhavai attaṇo duguṇāṇaṃ 'jaṃ ca hoi vāsāsu' tti jaṃ ca vāsāsu uvaggahiyaṃ taṃ ca jāṇiūṇa ghettavvaṃ | aha na geṇhai caulahugaṃ āṇādiṇo dosā | ettha diṭuṃtaṃ āyariyā kareṃti |
davvovakkhara jehādiyāṇa taha khāra kaḍuya bhaṃḍāṇaṃ | vāsāratta kuḍuṃbī, atiregaṃ saṃcayaṃ kuṇati ||4250|| vaṇiyā ṇa saṃcaraṃtī, haṭṭā ṇa vahaṃti kammaparihāṇi | gelaṇṇā''esesu va, kiṃ kāhiti agahite puṭvi ? ||4251|| "davvovakkhara0" ["vaṇiyāṇa0"] gāhādvayaṃ kaṇṭhyam | taha annatitthigā vi ya, jo jārisoṃ tassa saṃcayaṃ kuṇati | iha puṇa chaha virāhaṇā, paḍhamammi ya je bhaṇiya dosā ||4252|| rayaharaṇeṇolleṇaṃ, pamajjaṇe pharusasāla puḍhavīe |
gāmaṃtarita galaṇe, puḍhavī udagaṃ ca duvidhaṃ tu ||4253||
"taha annatitthiyā vi0" ["rayaharaṇe0"] gāhā | paribbhaṭṭhayā maṭṭiya daṃta-kaṭṭhāṇaṃ sarajakkhā chāra-maṭṭiyādīṇaṃ | sāhūṇaṃ puṇa ageṇhaṇaṇe chakkāyavirāhaṇā bhavai | kahaṃ puṇa? ekkaṃ rayaharaṇaṃ saṃullaṃ te ya kuṃbhagārasālāe ṭhiyā | teṇaṃ parigalaṃteṇaṃ puḍhavikāyaṃ virāhaṃti, vibhāsā | "udagaṃ ca duvihaṃ va" tti bhommaṃ aṃtarikkhaṃ ca |
ahavā aṃbībhūe, udagaṃ paṇao ya tāvaṇe agaṇī | ullaṃḍagabaṃdha tasā, ṭhāṇāisu keṇa va pamajje ||4254||
"ahavā aṃbībhūe0" gāhā | tammi aṃbībhūte jo āukkāo paḍai so viddhaṃsei, mayaleppaṇao sammurchati | aha agaṇikkāe tāvei to agaṇivaho | golagabaddhaṇaṃ rayaharaṇeṇaṃ pamajjaṃto tasā virāhei | aha teṇa ṇa pamajjati aṇṇammi avijjamāṇe ṭhāṇādīṇi keṇa pamajjature tu ? | evaṃ tāva rayaharaṇe |
emeva sesagammi, saṃjamadosā u bhikkhaṇijjoe |
cola nisijjā ulle, ajīra gelaṇṇamāyāe ||4255|| "emeva0" gāhā | evaṃ vāsattāṇādīhiṃ savvehiṃ uvakaraṇehiṃ vibhāsā gāhāsiddhaṃ | imo
1. tiṇhaṃ a ba ka ḍa i | 2. karaṇagamajjau a i | kaṇa pamajjau ba ḍa |