Biha Kappa v2.p226

v2.p226

seḍhīṭhāṇaṭhiyāṇaṃ, kitikammaṃ seḍhi icchimo ṇāuṃ | tamhā khalu seḍhīe, kāyavvaṃ parūvaṇā iṇamo ||4504|| puvvaṃ carittaseḍhiṭhiyassa pacchāṭhieṇa kāyavvaṃ | so puṇa tullacaritto, havijja ūṇo va ahio vā ||4505|| nicchayao dunneyaṃ, ko bhāve kammi vaṭṭaī samaṇo | vavahārao ya kīrai, jo puvvaṭhio carittammi ||4506|| vavahāro vi hu balavaṃ, jaṃ chaumatthaṃ pi vaṃdaī arihā | jo hoi aṇābhinno, jāṇato dhammayaṃ eyaṃ ||4507|| kevaliṇā vā kahie, avaṃdamāṇo va kevaliṃ annaṃ | vāgaraṇapuvvakahie, devayapūyāsu va muṇaṃti ||4508||
"seḍhīṭhāṇaṭhiyāṇaṃ0" ["seḍhī0" "puvvaṃ caritta0" "nicchayao0" "vavahāro vi hu0" "kevaliṇā vā0"] gāhā | [seḍhi] saṃjamaseḍhi tti vā egaṭuṃ | saṃjamaseḍhīe ṭhiyāṇaṃ kiikammaṃ kāyavvaṃ aṭṭhiyāṇa bhaṇiyaṃ (bhaiyaṃ) seḍhīe jāṇaṇāheuṃ seḍhī parūvijjai | tīsse imāṇi dārāṇi |
avibhāgapaliccheyā, ṭhāṇaṃtara kaṃḍae ya chaṭṭhāṇā | hiṭṭhā pajjavasāṇe, buddhī appābahuṃ jīvā ||4509|| "avibhāga0" gāhā | jīvapayassa
ālāva gaṇaṇa virahiyamavirahiyaṃ phāsaṇāparūvaṇayā | gaṇaṇapaya seḍhi avahāra bhāga appābaḍaṃ samayā ||4510||
"ālāva gaṇaṇa0" gāhā | eesiṃ dāhiṃ kaṃṭagapāḍho amutagatavvo' | avibhāga palicchedassa ime egaṭṭhiyā |
avibhāgapalicchedo, carittapajjava-paesa-paramāṇū | paramāṇussa parūvaṇa, cauvvihā bhāvao'ṇaṃtā ||4511||
"avibhāgapalicchado0" gāhā | avibhāgapalicchedi tti vā carittapajjavattiyā padesu tti vā paramāṇu tti vā egaṭuṃ | paramāṇussa cauvvihā parūvaṇā davvādī | davvaparamāṇū vāvahārio satteṇa suttikkheṇa vi tittuṃ bhettuṃ vajjāṇa kira sakkā taṃ paramāṇū siddhā vayaṃti | ādi pamāṇeṇaṃ khette āgāsapaeso, kāle samayo, bhāvae paramāṇū carittapajjavo | te puṇa
1. aṇugaṃtavvo iti bhāvyam ? | 2. va jo ṇa kira sakko iti bhāvyam ? |