Biha Kappa v2.p227

v2.p227

[kiikammapagayaṃ carittapajjavā kevaiyā hojja ? jāvatiyā logāgāsassa alogāgāsassa ya āgāsapaesā eehito vi aṇaṃtaguṇacarittaseḍhipajjavā | etadevārthaṃ -
te kittiyā paesā, savvāgāsassa maggaṇā hoi | te jattiyā padesā, avibhāga tao aṇaṃtaguṇā ||4512|| "te kittiyā0" gāhā | kaṇṭhyā | evaṃ carittaseḍhiṃ, paḍivajjai hiṭṭha koi uvariṃ vā | jo hiṭṭhā paḍivajjai, sijjhai niyamā jahā bharaho ||4512||
"eyaṃ carittaseṭiṃ0" gāhā | jā puṇa esā carittaseḍhī parūviyā evaṃ kovi uvari paḍivajjai koi heṭṭhā, jo heṭṭhillesu saṃjamaṭṭhāṇesu paḍivajjai so teṇeva paḍiggahaṇeṇaṃ ṇiyamā sijjhai jahā bharaharāyā |
majjhe vā uvariṃ vā, niyamā gamaṇaṃ tu hiṭṭhimaṃ ṭhāṇaṃ |
aṃtomuhutta vuḍḍī, hāṇī vi taheva nāyavvā ||4514||
"majjhe vā0" gāhā | jo puṇa majjhe uvariṃ vā paḍivajjai so niyamā heṭṭhillāṇi vajjai avassaṃ savvāṇi saṃjamaṭhāṇāṇi phāseūṇa sijjhiyavvaṃ | sā puṇa aṃtomuhuttiyā vaḍḍī vā hāṇī
vā|
seḍhīṭhāṇaṭhiyāṇaṃ, kiikammaṃ bāhire na kāyavvaṃ | pāsatthādī cauro, tattha vi āṇādiṇo dosā ||4515||
"seḍhīṭhāṇa0" gāhā | je eyāe seḍhīe ṭhiyā tesiṃ kiikammaṃ bāhiṃ pi tāṇa ṇa kāyavvaṃ | ke puṇa te saṃjamaṭhāṇeṇaṃ bāhiṃ ṭhiyā ? ucyate-pāsatthosannagihatthaannatitthiyā| eesiṃ pacchittaṃ puvvavanniyaṃ | 'āṇādiṇo dosā' 'cauro' tti bhaṇṇihiti | sīso pucchai -
liṃgeṇa niggato jo, pāgaḍaliṃgaṃ dharei jo samaṇo | kidha hoi ṇiggato tti ya, diṭuṃto sakkarakuḍehiṃ ||4516||
"liṃgeṇa0" gāhā | jeṇa liṃgaṃ mukkaṃ esa tāva niyamā na vaṭṭai carittaseḍhīe cevetaṃ | jo puṇa liṃgaṃ dharei so kahaṃ carittaseḍhīo niggao bhavati ? tataścāsāvandyaḥ1 ko vā tassa doso bhavati ? ettha āyario dohiṃ sakkarauḍehi diṭuṃtaṃ karei | rannā donni puttayā sakkarakosāeṇaṃ bharettā muddettā doṇhaṃ purisāṇaṃ diṇṇā 'sārakkhaha, jayā haṃ maggejja tayā dejjaha' | tatthekkeṇaṃ -
1. tataścāsāvadyaḥ a ḍa |