Biha Kappa v2.p228

v2.p228

dāuṃ hiṭṭhā chāraṃ, savvatto kaṃṭiyāhi veḍhittā | saka ḍamaṇābādhe, pāleti ti saṃjhamikkhaṃto ||4517|| mudaṃ aviddavaṃtīhiṃ kīḍiyāhiṃ sa cālaṇī ceva | jajjarito kāleṇaṃ, pamāyakuḍae nive daṃḍo ||4518|| nivasariso āyarito, liṃgaṃ muddā u sakkārā caraṇaṃ |
purisā ya hoṃti sāhū, carittadosā muyiṃgāo ||4519||
"dāuṃ hiṭṭhā chāraṃ0" ["muhaṃ aviddavaṃtīhiṃ0" "nivasariso0"] gāhā | bīieṇaṃ kīḍiyānagarassa adūre ṭhavio, aṃtaraṃtare mudde paloei | kīḍiyādī gaṃdheṇaṃ he?o cāliṇī jahā jajjario | sakkarukkosā sā savve khaiyā | annayā rannā maggiyā āṇie ubbhinne ritto diṭṭho, so daṃḍio | iyaro pūio | esa diṭuṃto | imo uvaṇao | rāyatthāṇiyā titthagarā, maṇūsatthāṇiyā sāhū, sakkaratthāṇīyaṃ carittaṃ, ghaḍatthāṇīo āyā, muddatthāṇīyaṃ rayaharaṇaṃ, kīḍiyatthāṇīyā avarāhapaḍā, daṃḍatthāṇīyā duggaī paraloe | pūyatthāṇio saggo mokkho ya | evaṃ carittaṃ galai sai vi rayaharaṇe | so puṇa kāleṇa vā carittāo bhaṇṇai sajjaṃ vā tattha kāleṇaṃ -
esaṇadose sīyai, aṇāṇatāvī ṇa ceva viyaḍei |
ṇeva ya karei sodhi, ṇa ta viramati kālato bhasse ||4520|| 'esaṇadose0" gāhā | mūlaguṇapaḍisevī sajjaṃ bhassai | mūlaguṇa uttaraguṇe, mūlaguṇehiṃ tu pāgaḍo hoi | uttaraguṇapaḍisevī, saṃcaya'vocchedato bhasse ||4521|| aṃto bhayaṇā bāhiṃ, tu niggate tattha marugadiṭuṃto | saṃkara sarisava sagaḍe, maṃḍava vattheṇa diluto ||4522||
"mūlaguṇa uttaraguṇe0" ["aṃto bhayaṇā0"] gāhā | tattha jo mūlaguṇapaḍisevao so pāgaḍaṃ najjai | jahā sajjaṃ carittāo bhassai | jo puṇa uttaraguṇapaḍisevago so puṇa jahākāleṇa bhassai | ettha āyariyā saṃkaradiṭuṃtaṃ kareṃti | ārāmo sāraṇīe pāijjai tā eyaṃ vahaṃtīe egaṃtaṇaṃ sayaṃ laggaṃ, annaṃ pi laggaṃ, annaṃ pi tattheva laggaṃ | evaṃ pabbhāhi laggatihiṃ saṃcao jāo | tattha teṇa āśrayeṇa cikkhalladhūlīya saṃcao jāo | teṇa saṃcaeṇaṃ taṃ pāṇiyaṃ ruddhaṃ annao pavūḍhaṃ, tāhe
1. paḍaloe a i |