Biha Kappa v2.p26

v2.p26

nikkāraṇammi dosā, paḍibaddhe kāraṇammi nidosā | te ceva ajataṇāe, puṇo vi so laggatī dose ||3362||
"gītatthesu vi evaṃ0" ["nikkāraṇammi0"] gāhādvayaṃ kaṇṭhyam | 'paḍibaddhe 'tti dhaṇṇa-sālā ityarthaḥ | kāraṇaṃ imaṃ
addhāṇaniggatādī, tiktto maggiūṇa asatīe | gītatthā jataṇāe, vasaṃti to dhaṇṇasālāe ||3363|| "addhāṇa0" gāhā| imā aṇuṇṇavaṇajayaṇā | ṇa vi joisaṃ ṇa gaṇiyaṃ, ṇa akkhare ṇa vi ya kiṃci rakkhāmo | appassagā asuṇagā, bhātaṇa khaṃbhovamā vasimo ||3364|| tusa dhannāī jahiyaṃ, ṇipparisāḍa-parisāḍagāī vā | tesu paḍhamaṃ tu ṭhāyati, tesa'satī daṃtakhajjesu ||3365|| nikkāraṇammi evaṃ, kāraṇa dalabhe bhaṇaṃtimaṃ vasabhā | amhe ṭhitellaga cciya, adhāpavattaṃ vahaha tubbhe ||3366|| āmaṃ ti abbhuvagate, bhikkha viyārādi ṇiggata miesu | bhaṇati gurū sāgāriya, ṇāuṃ je kattha kiṃ dhaṇṇaṃ ? ||3367|| sālīṇaṃ vīhīṇaṃ, tila kulatthāṇa mugga māsāṇaṃ | diṭṭha mae saṇṇicayā, aṇṇe dese kuṭuṃbīṇaṃ ||3368|| evaṃ ca bhaṇitamittammi kāraṇe so bhaṇāti āyariyaṃ |
atthi mahaṃ saṇṇicayā, pecchaha ṇāṇāvihe dhaṇṇe ||3369||
"ṇa vi joisaṃ0' ["tusa dhannāiṃ0" "nikkāraṇammi0" "āmaṃ0" "sālīṇaṃ0" "evaṃ ca0"] gāhā | jai bhaṇaṃti – 'joisaṃ sikkhāvejjaha' tattha vattavvaṃ'na yāṇāmo' | imā sapakkhajayaṇā -
uvalakkhiyā ya dhaṇṇā, saṃthārāṇaṃ jahāvidhi ggahaṇaṃ | jo jassa u pāuggo, so tassa tahiṃ tu dāyavvo ||3370||