Biha Kappa v2.p27

v2.p27

[uvassayapagayaṃ nikkhama pavesavajjaṇa, dūreṇa abhāviyā tu dhaṇṇāṇaṃ | dhaṇṇaṃteṇa pariṇatā, cilimiṇi divaratta'suṇṇaṃ tu ||3371|| te tattha sanniviṭṭhā, gahiyā saṃthāragā vihīpuvvaṃ | jāgaramāṇa vasaṃtī, sapakkhajataṇāem̐ gīyatthā ||3372|| ṭhāṇaṃ vā ṭhāyaṃtī, ṇisijja ahavā sajāgara suvaṃti | bahuso abhiddaveṃte, vayaṇamiṇaṃ vāyaṇaṃ demi ||3373|| phiḍiyaṃ dhaṇṇaṭuṃ vā, jataṇā vāreti na u phuḍaṃ beṃti | mā ṇaṃ sohī aṇṇo, ṇitthakko lajja gamaṇādī ||3374|| dāraṃ na hoi etto, ṇiddāmattāṇi puṃcha acchīṇi | bhaṇa jaṃ va saṃkiyaṃ te, giṇhaha vettiyaṃ bhaṃte ! ||3375||
"uvalakkhiyā ya" ["nikkhamma0" "te tattha0" "ṭhāṇaṃ vā0" "phiḍiyaṃ0" "dāraṃ na0"] gāhāo jāva 'genhaha verattiyaṃ bhaṃte0 !'| navaraṃ ṭhāṇaṃ ti | gītatthā ṭhāṇaṃ vā ṭhāyaṃti | ṇisijja tti | anno bhaṇai-gītattho āyariyaṃ, ahaṃ ṇisajjāgao saviharissāmi | āyariyā bhaṇaṃti-laṭuṃ, evaṃ sehā rakkhaṃti | bahuso abhivaṃti tti sapakkhe | imā parapakkhajayaṇā
parapakkhammi vi dāraṃ, pihaṃti jatanāem̐ do vi vāreti | taha vi ya aṭhāyamāṇe, uveha puṭṭhā va sāhiti ||3376|| "parapakkhammi0" gāhā | eīse vakkhāṇagāhā| pehiya pamajjiūṇaṃ', uvaogaṃ kāu saṇiya ḍhakkaiti | tiriya ṇara donni ete, khara khari puṃ thī ṇisiṭṭitare ||3377||
"pehiya pamajjiūṇaṃ0" gāhā | 'ṇisiṭuṃ'ti jesiṃ pavisaṇaṃ dinnaṃ vi vārai, itare aṇisaṭṭhā |
geṇhaṃtesu ya dosu vi, vayaṇamiṇaṃ tattha biṃti gīyatthā | bahugaṃ ca ṇesi dhaṇṇaṃ, kiṃ pagataṃ hohitī kallaṃ ? ||3378||
1. pamajjiyā ṇaṃ muca |