Biha Kappa v2.p280

v2.p280

taio uddeso
[seṇāpagayaṃ] [suttaṃ] se gāmassa vā jāva rāyahāṇīe vā bahiyā seṇaṃ sanniviṭṭha pehāe kappati niggaṃthāṇa vā niggaṃthīṇa vā taddivasaṃ bhikkhāyariyāe gaṃtuṃ paḍiettae | no se kappati taṃ rayaṇi tattheva uvāiṇāvittae | jo khalu niggaṃtho vā niggaṃthī vā taṃ rayaṇiṃ tattheva uvāiṇāi, uvātiṇaṃtaṃ vā sātijjati, se duhato vi aikkamamāṇe āvajjai cāummāsiyaṃ parihāraṭṭhāṇaṃ aṇugghāiyaṃ ||3-30||
"se gāmassa vā jāva aṇugghātiyaṃ0" | sambandhaḥuvaroha bhayā kīrai, sapparikho puravarassa pāgāro | teṇa ra seṇāsuttaṃ, aṇuattai uggaho jaṃ ca ||4795||
"uvaroha bhayā0" gāhā | se tti niddeso, kassa ? gāmanagarādīṇaṃ | tāṇi puvvavanniyāṇi, sesā nāma jassa sayakhaṃdhāvāro aṇurāyago rohayaṃ kāuṃ sanniviṭṭhā taṃ pehāya sanniviṭuṃ kappai niggaṃthāṇaṃ niggaṃthīṇaṃ bhikkhāyariyāe taddivasaṃ gaṃtuṃ paḍiettae | kāraṇiyaṃ eyaṃ suttaṃ-jo khalu ṇiggaṃtho vā ṇiggaṃthī vā | jo tti niddeso khalu pādapūraṇe | niggaṃthā puvvavaṇṇiyā taṃ rayaṇiṃ tattheva upādināveṃti, duhao vītikkamati jiṇasīmaṃ rāyasīmaṃ ca | āvajjai cātu[māsiyaṃ] | je dosāti' nijjuttīya bhannihiti | jattha erisaṃ tattha na ceva acchiyavvaṃ tamhā aṇāgayaṃ niggaṃtavvaṃ | tattha gāhā -
seṇādī gammihiī, khittuppāyaṃ imaṃ viyāṇittā | asive omoyarie, bhaya cakkā'ṇiggame gurugā ||4796|| āṇāiṇo ya dosā, virāhaṇā hoi saṃjamā''yāe |
asivādimmi paruvite, adhikāro hoti seṇāe ||4797||
"seṇādī0" ["āṇāiṇo0"] | seṇaṃ ādikāuṃ gammihiti | ādigrahaṇeṇaṃ mecchabhaeṇa senāgrahaṇaṃ kṛtvā bhayacakragrahaṇaṃ kṛtaṃ taṃ jñāpayati | senāe aviyāro, ee hohiṃti aṇāgayaṃ ceva niggaṃtavvaṃ jai aṇāgayaṃ na niti :: | (caturguru) āṇādiṇo dosā | virāhaṇā duvihā - āyavirāhaṇā saṃjamavirāhaṇā ya | jaṃ tattha esaṇaṃ pallihiti | ahavā thaṃḍille duvihe alabbhamāṇe chakkāyavirāhaṇā | āyavirāhaṇā - samudāṇe alabbhamāṇe evamādi jamhā dosā tamhā aṇāgayaṃ
1. dosā te iti bhāvyam ? |