Biha Kappa v2.p281

v2.p281

[seṇāpagayaṃ ceva niggaṃtavvaṃ | asivāīsu eyāṇi parūvittā ahiyāro seṇāe | taṃ puṇa kiha jāṇejjā ?
aisesa devata nimittamādi avitaha pavitti sotūṇaṃ | niggamaṇa hoi puvvaṃ, aṇāgate ruddha vocchiṇṇe ||4798||
"aisesa0" gāhā | aisesio jo ohiṇṇāṇī vā taṃ pucchati, devayā vā sāhiti, nimitteṇa vā ābhoeṃti | ahavā anno jo jāṇei so pucchijjai | ādigrahaṇeṇaṃ vijja-maṃtehiṃ, ahavā avitahiṃ pavattiṃ soūṇa niggaṃtavvaṃ | ahavā imā parivāḍī - uppāyanimitteṇa va, ābhoettā aṇāgayaṃ sammaṃ | pacchā niruvassagge, kappai gaṇiṇo virahiojjo || naccā u sovasaggaṃ, khettaṃ ciyahe aṇāgayaṃ ceva | jai ṇa ya hayisai kāle, laggai caugurue caummāse || jei jahaha ti aṇāsaṇṇe,1 gaṇa saṃjama rakkhaṇā ya kitti ya | āsannaṃ ci ya hito,2 donni vi sīme aikkamai || jai na vasaṃti jaṇavayā, paracakkabhaeṇa hoṃti uppicchā | dhūmāyaṃti disāu, niddhāi jaṇo bhauvviggo|| kaṃdiya kūviya saddo, palaviyasaddo va suvvai samaṃtā | eyārisammi khette, kiha dhammadharāvahā honti || saṃbaddhā [ ya ] atitthī, bhīyā pavvaya kuḍillaruggesu | doccāiyā akāle, pāvaṃti virāhaṇaṃ duvihaṃ || ṭhāṇa ṇisejjā sejjā, vosiraṇuppavagaīya pāvaṃti | ura kheda nivātesu ya, dupaḍikkhāya maraṇaṃ ca || cāuddisi jaṇavao, viluttasāro virāhaṇaṃ patto | niggaṃtumavāpaṃto, aiyāivaraṃḍamaṃḍuvio || rohiyaṃ va nagaraṃ jaṇasaṃvaṭṭo ya aṭṭaroho ya | anto nagare vaṭṭai, dese dese ya janamārī || eyārise virohe, vasahi alaṃbhe ya addharohe ya | duvvasahīe pattā, pāvaṃti virāhaṇaṃ duvihaṃ || aṃto viyārabhūmī, natthi pahiṭṭhā vi natthi niggamaṇaṃ | jai[ vi] na gacchai bāhiṃ, maraṇaṃ vā duppaveso vā || sannāe coio jai, dhāra paritāvaṇā ya vāvattī | vosaraṇe kāyavaho, jaṇasaṃvaṭṭo avanno ya || doṇha va saṃkhaḍakāle, satthanivāte hi āyavāvattī | satthāo te gilāṇe, natthi asattho ya daviyaṃ ca || bhikkhassa niggao puṇa, kaṃṭheṇa āhao tahiṃ koi | āgantūṇa ya paḍio, gelannārovaṇā tattha || paṃcayaparihāṇī ya, dullabha rikkha jogahāṇī ya | āyavivattī ahavā, appāuggassa āiyaṇā ||
1. a i jahati aṇāsaṇṇe iti bhāvyam ? | 2. jahiṃto iti bhāvyam ? | 3. ekamakṣaraṃ nyūnaṃ pratibhāti | 4. vāreṃto i|