Biha Kappa v2.p284

v2.p284

693 roheu adamāse, vāsāsa sabhami to ṇivā jaṃti | parabalaruddhe vi pure, hārviti ṇa māsakappaṃ tu ||4812|| bhikkhassa va vasahīya va, asatī satteva cauroṃ jāvekkā | laṃbhālaṃbhe ekkekkagassa ṇegā u saṃjogā ||4813|| egattha vasaṃtāṇaṃ, pihahuvārā'satīya sayakaraṇaṃ | majjheṇa kaḍaga cilimiṇi, tesubhayo thera khuḍḍīto ||4814|| dāraduyassa tu asatī, majjhe dārassa kaḍaga puttī vā | ṇikkhama pavesavelā, sasadda piṃḍeṇa sajjhāto ||4815||
"saṃvaṭṭaniggayāṇaṃ0" ["hāṇī jāvekaṭṭhā0" "roheu aṭṭha0" "bhikkhassa va0" "egattha vasaṃtāṇaṃ0" "dāraduyassa tu0"] gāhā | tattha nagararohae aṭṭha vasahīo paḍileheyavvāo| kiṃ nimittaṃ aṭṭha vasahīo? aṭṭha uḍubaddhie māse rohio bhavati | teṇa paraṃ parisārettā sadesaṃ jaṃti, tāhe aṭṭhasu vasahīsu sammāsaṃ acchaṃti, alaṃbhe ekakkahāṇī jāva saṃjayāṇaṃ ekkā saṃjaiṇa vi ekkā | asai ekkahiṃ ceva vasahīe | tattha imā jayaṇā - jai taṃ cāussālaṃ tatthaṃtareṇa kaḍao karei, asai cilimiṇī vasabhā evaṃ kareṃti | aha natthi cāussālaṃ tāhe ekkaghare ceva piha duvāraṃ kīrai, aṃtareṇaṃ kaḍago cilimiṇī vā kīrai | aha ḍaharagaṃ dāraṃ | tāhe velā ṭhavijjai | jaṃ velaṃ saṃjayā aiti taṃ velaṃ saṃjaīo na niti | rattiṃ mattaesu jayaṃti | 'suvaṇaṃ ca jayaṇāe' tti asya vyākhyā
aṃtammi va majjhammi va, tarūṇī taruṇā ya savvabāhirato | majjhe majjhima therī, khuḍḍī khuḍḍā ya therā ya ||4816||
"aṃtammi va0" gāhā | asya vyākhyā-āvaliyā ṭhāeṃti, tattha aṃte tāva bhaṇṇai - egammi aṃte taruṇīo ṭhavijjaṃti, tāsi ārao majjhimāo, tāsi ārao therī, tāsi ārao khuḍḍiyāo, khuḍḍīṇa ārao therā, tesiṃ ārao khuḍḍagā, tesiṃ ārao majjhimā, tesiṃ ārao taruṇā, evaṃ tāva taruṇīo taruṇā ya aṃte jāyā |
idāṇi jai majjhe taruṇīo ṭhavijjati tāsiṃ ārao2 majjhimāo, tāsi ubhao therīo, tāsi ubhao khuḍḍagāo, tāsiṃ ubhao therā, tāsiṃ ubhao khuḍḍā, tāsiṃ ubhao majjhimā, tāsiṃ ubhao taruṇā esa rattiṃ vasaṃtāṇa jayaṇā |
1. vasahā eva kareṃti ḍa | 2. ubhayao malavṛ muca |