Biha Kappa v2.p285

v2.p285

visesa
[ seṇāpayaṃ
77 44
savva
patteya samaṇa dikkhiya, purisā itthī ya savveṃ kathā | pacchaṇṇa kaḍaga cilimiṇi, majjhe vasabhā ya matteṇaṃ || 4817|| pacchanna asati niṇhaga, boḍiya bhicchuya asoya soyā ya | pauradava vaḍḍagādī, garahā ya saaṃtaraṃ ekko ||4818|| pāsaṃḍīpurisāṇaṃ, pāsaṃḍitthīṇa vā vi pattege | pāsaṃḍitthi pumāṇaṃ, va ekkato hotimā jayā || 4819 || je jaha asoyavādī, sādhammī vā vi jattha tahi vāso | ṇihuyā ya juddhakāle, ṇa vuggaho ṇeṃva sajjhāo ||4820|| " patteya samaṇa0 " [" pacchanna asati0" "pāsaṃḍīpurisāṇaṃ 0 asoyavādī0'' ] gāhā | kaiyāi rohae vasahīsu thevāsu rāulasaṃdeso hojja, jahā pāsaṃḍāṇaṃ itthivaggassa egā vasahī, purisavaggassa egā vasahī | tattha saṃjaīṇaṃ aṇṇa titthīya jayaṇā, tidhegaṃ pāse jattha appasāgāriyaṃ tattha ṭhāyaṃti | aha natthi avagāso tāhe jāo niṇhijjāo tāsiṃ pāse ṭhāyaṃti | jāhe natthi tāhe goṇīṇaṃ pāse, ājīviyāṇaṃ rattapaḍiyāṇaṃ, tattha jaṃpaṃti ghaḍimattaeṇaṃ pauradavavaḍḍagādīsu jemaṇavelāe | saṃjayāṇaṃ annatitthiehiṃ samaṃ kā jayaṇā ? jattha appa sāgāriyaṃ, tāhe cilimiṇī kareṃti, jāhe na hojja cilimiṇī pahā, pacchā ṇiṇhiyāṇaṃ pāse ṭhāyaṃti | evaṃ goṇāṇaṃtarapaḍāṇaṃ, je soyavāī te pariharijjaṃti | uccārapāsavaṇe bhattaṭṭhāṇāe ya pavaraṃ davaṃ geṇhaṃti | saṃsaṭṭapāṇayaṃ unhodayaṃ vā geṇhaṃti | jai dharettagā atthi | anne dharenti anne jemaṃti ego parivesai | tehiṃ jimiehiṃ te dhareṃti | aha velā na hojja tāhe ūṇiyaṃ acchuṇittā tassuvariṃ pottiyaṃ, tassuvariṃ bhāyaṇāṇi ṭhavijjati | pacchā ego parivesei | bharaṃti so ya parivesayā appaṇo kamaḍhae pakkhivai jattiyā tesiṃ bujjhai | jattha kamaḍhā ṇa pahuppaṃti tattha do tinni vā egao saṃghāḍijjaṃti, māugā piyā puttā vā | evaṃ saṃjoettā bhaṇṇai - tumaṃ amueṇa samaṃ jemehi | samuddiṭṭhā kurukucaṃ kareṃti, kāiyamattaehiṃ jayaṃti | evaṃ tā purisehiṃ samaṃ | ahavā itthīṇaṃ purisāṇaṃ pāsaṃḍatthāṇaṃ egao ceva vasahī tattha saṃjayāi saṃjaīṇaṃ jāva pacchannā vasahī taṃ deṃti | aha natthi cauhiṃ disāhiṃ, tāhe tihiṃ disāhiṃ egao cilimiṇī kīrai | jāhe tinni vi disāo ṇa hojja tāhe dohi vi disāhiṃ jāva egā vi disāe bhavao pacchannā, jāiya bhūmīgga jāhe natthi pacchannā tāhe majjhe ratiṃ pi choḍūṇaṃ taheva suvaṃti taheva mattaehiṃ jayaṃti samuddisiṃ taheva, esa vasahī jayaṇā |
694
je jaha
-