Biha Kappa v2.p29

v2.p29

[uvassayapagayaṃ tāseūṇa avahie, aceiya hie va gosi sāhati | jāṇaṃtā vi ya teṇaṃ, sāhaṃti na vanna-rūvehiṃ ||3388|| suṇa sāvaga ! jaṃ vattaṃ, teṇāṇaṃ saṃjayāṇa iha ajja | teṇehiṃ paviṭehiṃ, jāhe nīekkasiṃ dhaṇṇaṃ ||3389|| tāhe uvagaraṇāṇiṃ, bhinnāṇi hiyāṇi ceva annāṇi | hariovahī vi jāhe, teṇā na labhaṃti te pasaraṃ ||3390|| gahiyā''uhappaharaṇā, jādhe vadhāe samuṭṭhiyā amhaṃ | natthi akammaṃ ti tato, etesi ṭhitā mu tuṇhikkā ||3391|| sejjāyaro ya bhaṇatī, aṇṇaṃ dhaṇṇaṃ puṇo vi hohiti ṇe| eso aṇuggaho me, jaṃ sādhu ṇa dukkhavioṃ ko vi ||3392||
"tāseūṇa0"["suṇa sāvaga0" "tāhe." "gahiyā0" "sejjāyaro0"] gāhā | kaṇṭhyā | trāsitā śastreṇa | śeṣaṃ kaṇṭhyam |
[suttaṃ] adha puṇa evaṃ jāṇijjā no rāsikaḍāiṃ no puṃjakaḍāiṃ no bhittikaḍāiṃ no kuliyakaḍāiṃ koṭṭhāuttāṇi vā pallāuttāṇi vā maṃcāuttāṇi vā mālāuttāṇi vā olittāṇi vā littāṇi vā pihiyāṇi vā laṃchiyāṇi vā muddiyāṇi vā, kappai niggaṃthāṇa vā niggaṃthīṇa vā vāsāvāsaṃ vatthae ||2-3||
"aha puṇa evaṃ jāṇijjā no puṃjakuḍāiṃ0" suttaṃ uccāreyavvaṃ | koṭṭhāuttā ya jahiṃ, palle māle tadheva maṃce ya | olitta pihiya muddiya, erisaem̐ ṇa kappatī vāso ||3393|| chagaṇādī olittā, littā maṭṭiyakatā u te ceva | koṭṭhiyamādī pihitā, littā vā palla-kaḍapallā ||3394|| oliṃpiūṇa jahi akkharā kayā laṃchiyaṃ tayaṃ biṃti | jahiyaṃ muddā paḍiyā, hoti tagaṃ muddiyaṃ dhaṇṇaṃ ||3395|| uḍubaddhammi atīe, vāsāvāse uvaṭṭite saṃte | ṭhāyaṃtagāṇa lahugā, kāsa agīyattha suttaṃ tu ||3396||