Biha Kappa v2.p28

v2.p28

bhāsagāhā-3371-3387] bīo uddeso
nīsaḍhesu uvehaṃ, sattheṇa va tāsitā u tuṇhikkā | bahuso bhaṇāti mahilaṃ, jaha taṃ vayaṇaṃ suṇati aṇṇo ||3379|| sāhūṇaṃ vasahīe, rattiṃ mahilā ṇa kappatī śaṃtī | bahugaṃ ca ṇesi dhaṇṇaṃ, kiṃ pāhuṇagā vikālo ya ||3380|| teṇesu ṇisaṭṭesuṃ, puvvā'varattimalliyaṃtesu |
teṇabiyarakkhaṇaṭṭhā, vayaṇamiṇaṃ beṃti gītatthā ||3381||
"giṇhaṃtesu ya dosu vi0" ["nīsaḍhesu0" "sāhūṇaṃ0" "teṇesu0"] gāhā | "dosu va"tti kharae khariyāe vā | sesaṃ kaṇṭhyam | navaraṃ jai itthī ṇisaṭṭhī "bahuso bhaṇāti mahilaṃ0" kaṇṭhyam | “kiṃ pāhuṇaga''tti kiṃ pāhuṇagā viyāle āgayā ? jāhe ṇisaṭuṃteṇā ejja, akkaṃtiya teṇā, iyare ya ejja | bīyarakkhaṇaṭṭhā ya imā jayaṇā
jāgaradha narā ! ṇiccaṃ, jāgaramāṇassa vaḍḍate buddhī | jo suvati ṇa so dhaṇṇo, jo jaggati so sayā dhaṇṇo ||3382|| sītaṃti suvaṃtāṇaṃ, atthā purisāṇa logasāratthā | tamhā jāgaramāṇā, vidhuṇadha porāṇayaṃ kammaṃ ||3383|| suvati suvaṃtassa sutaṃ, saṃkitaṃ khaliyaṃ bhave pamattassa | jāgaramāṇassa sutaṃ, thira-paricitamappamattassa ||3384|| nālasseṇa samaṃ sukkhaṃ, na vijjā saha niddayā | na veraggaṃ mamatteṇaṃ, nāraṃbheṇa dayāluyā ||3385|| jāgariyā dhammīṇaṃ, āhammīṇaṃ ca suttayā seyā | vacchāhiva bhagiṇīe, akahiṃsu jiṇo jayaṃtīe ||3386|| suvai ya ayagara bhūo, suyaṃ ca se nāsaī amayabhūyaṃ | hohii goṇabbhūo, naṭṭhammi sue amayabhūe ||3387||
"jāgaraha narā !0" ["sītaṃti0" "suvati0" "nālasseṇa0" "jāgariyā0" "suvai ya0"] gāhāo kaṇṭhāo | kosaṃbī nagarī, vacchā jaṇapado | tassa ahivo sayāṇio| tassa bhaiṇī jayaṃtī | pannatti ālāvago (śataka 12 uddeśa 2) |