Biha Kappa v2.p300

v2.p300

cauttho uddeso ugghāyamaṇugghāyā, davvammi haliddarāgakimirāgā| khettammi kaṇhabhūmī, pattharabhūmī ya halamādī ||4891|| kālammi saṃtara niraṃtaraṃ tu samayo ya hota'ṇugghāto | bhavvassa aṭṭha payaḍī, ugghātima etarā iyare ||4812|| jeṇa khavaṇaṃ karissati, kammāṇaṃ tāriso abhavvassa |
ṇa ya uppajjai bhāvo, iti bhāvo tassa'ṇugghāto ||4893||
"ugghāta" ["ugghāya0" "kālammi0" "jeṇa0"] gāhā | dīrghahasvatvavadanyonyaprasiddhiriti nikṣepaḥ | dravyodghātikaṃ haridrārāgaḥ | anudghātikaṃ kṛmirāgaḥ | ādigrahaṇāt kusumbharāgaḥ, triphalādisaṃyuktaḥ karāgaḥ | khettudghātiyaṃ kaṇhabhūmī, aṇugghāiyaṃ pattharabhūmī, halakuliyādīhiṃ na sakkae ugghāiyaṃ (uṃ) | kālugghāiyaṃ saṃtaradāṇaṃ pacchittassa, niraṃtaradānaṃ aṇugghāiyaṃ | ahavā samao aṇugghāiyaṃ, āvaliyādī ugghāiyā | bhāvugghāiyaṃ bhaviyāṇaṃ aṭṭhakammāṇi, aṇugghāiyaṃ abhaviyāṇa | ettha pacchittāṇugghātieṇa adhikāro | taṃ puṇa imaṃ
hatthe ya kamma mehuṇa, rātībhatte ya hota'ṇugghātā|
etesiṃ tu padāṇaṃ, patteya parūvaṇaṃ vocchaṃ ||4894|| "hatthe ya0" gāhā | hatthakamme māsaguruṃ, sesesu caugurugā| nāmaṃ ṭhavaṇāhattho, davvahattho va bhāvahattho ya |
duviho ya davvahattho, mūlaguṇe uttaraguṇe ya ||4895||
"nāmaṃ ṭhavaṇāhattho0'' gāhā | vairitto davvahattho, mūlaguṇanivvattio uttaraguṇanivvattio ya | mūlaguṇanivvattio-jo jīvajaḍhasarīrassa hattho | so mūlaguṇanivvattio| uttaraguṇanivvattio kaṭṭhakammādipaḍimāṇaṃ hattho |
jīvo u bhāvahattho, ṇeyavvo hoi kammasaṃjutto| bitiyo vi ya ādeso, jo tassa vijāṇao puriso ||4896||
"jāvo u0" gāhā | jo sajīvassa hattho eṣa noāgamao mantavyaḥ dvitīya ādeśaḥ | bhāvahastavettā tadupayukto bhāvahastaḥ | tena hastena yat karma kriyate tad hasta-karma | asya nikṣepārthamidamucyate