Biha Kappa v2.p301

v2.p301

[aṇugghāiyapagayaṃ nāmaṃ ṭhavaṇākammaṃ, davvakammaṃ ca bhāvakammaṃ ca| davvammi tuṇṇadasitā, adhikāro bhāvakammeṇaṃ ||4897||
"nāmaṃ ṭhavaṇākammaṃ0" gāhā | vyatirittaṃ davvakammaṃ tunnāgadasiyāṇaṃ vā baṃdha[naṃ] kāruṃḍagāṇaṃ | ahavā vairittaṃ duvihaṃ kammadavvaṃ nokammadavvaṃ ca | kammadavvaṃ aṭṭhavihakammabaṃdho na tāva udijjai | nokammadavvaṃ ākuñcanaprasāraṇādi | bhāvakammaṃ duvihaṃ āgamao noāgamao ya| āgamo jāṇae uvautto noāgamao odayiyakammassa baddhassa udao | ettha bhāvakammeṇa ahiyāro | teṇa bhāvakammeṇaṃ bhāvahattheṇa yaṃ jaṃ kammaṃ kīrai taṃ hatthakammaṃ | taṃ puṇa bhāvakammaṃ duvihaṃettha bhāva[kamma]gāhā
duvihaṃ ca bhāvakammaṃ, asaṃkiliṭuṃ ca saṃkiliṭuṃ ca | ṭhappaṃ tu saṃkiliṭuṃ, asaṃkililu tu vocchāmi ||4898|| "duvihaṃ tu0" gāhā | ṭhappaṃ nāma acchatu tāva, pacchā bhaṇṇihiti | chedaṇe bheyaṇe ceva, ghaṃsaṇe pīsaṇe tadhā|
abhighāte siṇehe ya, kāye khāre tti yāvare ||4899||
"chedaṇe0" dāragāhā | tattha chedanaṃ dvividhaṃ, jhusiraṃ vā chiṃdati ajhusaraṃ vā | eesiṃ doṇha vi ekkekkassa imo duvidho bhedo
ekkekkaṃ taṃ duvihaṃ, aṇaṃtara paraṃparaṃ ca ṇāyavvaṃ |
aṭṭhāṇaṭṭhā ya puṇo, hoti aṇaṭṭhāya māsalahuṃ ||4900||
"ekkekkaṃ taṃ duvihaṃ0" gāhā | aṇaṃtaraṃ vā chidai | aṇaṃtaraṃ pi aṭṭhāe aṇaṭṭhāe ya | aṇaṃtaraparaṃparacchedaṇe imā vibhāsā
nahadaṃtādi aṇaṃtara, pippalamādī paraṃpare āṇā| chappadigādi asaṃjameṃ, chede paritāvaṇātīyā ||4901||
"nahadaṃtādi0" gāhā | evaṃ chiṃdamāṇassa āṇāaṇavatthāmicchattaṃ virāhaṇā saṃjame āyāe ya | saṃjame chappadikādīhi, iṃdiyavibhāgeṇaṃ' pacchittaṃ māsalahugādi jāva carimaṃ | āyāe hatthaṃ laṃchejjā, paritāvaṇaṃ ṇagāḍhādi jāva carimaṃ | imaṃ suddhaṃ suddheṇa pacchittaṃ chiṃdaṃtassa |
1. aśuṣiramanantaraṃ chinatti māsalaghu, śuṣiramanantaraṃ chinatti caturlaghukam | aśuṣiraṃ paramparaṃ chidanto guruko māsaḥ, śuṣiraṃ paramparaṃ chindataścaturgurukāḥ bhavanti malavṛ | (atra prāyaścitte bhedaḥ dvitīyādeśānusāreṇa sambhavati | saṃ0 )