Biha Kappa v2.p303

v2.p303

[aṇugghāiyapagayaṃ jhusirājhusiresu |
idāṇiṃ bīiyapadaṃ
asatī adhākaḍāṇaṃ, dasigādigachedaṇaṃ va jayaṇāe| gulamādi lāuṇāle, kapparabhedādi emeva ||4908|| akkhāṇa caṃdaṇe vā, vi ghaṃsaṇaṃ pīsaṇaṃ tu agatādī | vagghādīṇa'bhighāto, agatādi patāva suṇagādī ||4909|| bitiya davujjhaṇa jataṇā, dāhe vā bhūmidehasiṃcaṇatā | paḍiṇīgā'sivasamaṇī, paḍimā khāro tu sellātī ||4910|| kammaṃ asaṃkiliṭuṃ, evamidaṃ vaṇitaṃ samāseṇaṃ | kammaṃ tu saṃkiliṭuṃ, vocchāmi ahāṇupuvvīe ||4911||
"asai0" ["akkhāṇa." "bitiya" "kammaṃ asaṃkiliṭuṃ0"] gāhā | dasiyāo chidejja | bhāuyassa vāvāraṃ karejja vipulaṃ, gulapiṃḍaṃ vā bhiṃdejja, kappareṇa vā kajjaṃteṇa gīvaṃ chidejja, akkhāṇaṃ ghaṃsaṇaṃ pīsaṇaṃ agadosadhāṇaṃ, vagghaṃ ejjamāṇaṃ abhighātejja, agaḍaṃ vā sukkaveti, vāvāḍo ya rakkhaṃto ettha suṇagādiṇi abhipaḍaṃti lelugamādīhiṃ bhesejjā, sinehamuvvariyaṃ jayaṇāe chāre pariḍhuvei, davaṃ vā pariṭṭhavei, lūtā uṇhābhitāve vā uvassayaṃ āvarisīkarejjā, dāhavakkaṃtīe vā sāhuṃ siṃcejjā, kāyaṃ pi uppāvejjā, jeṇa paḍiṇīo sāhijjai, asivapasamaṇaṃ vā hojja, paḍimā yārisīyaṃ kujjā, khāraṃ pasutinimittaṃ mallaṃ parikkhai| asaṃkiliṭuṃ gayaṃ |
idāṇiṃ saṃkiliṭuṃvasahīe doseṇa, duṭuṃ sarituṃ va puvvabhuttāī| etehiṃ saṃkiliṭuṃ, tamahaṃ vocchaṃ samāseṇa ||4912|| "vasahīe0" gāhā | tattha vasahīdosaṃ tāva bhaṇṇai | duviho vasahīdoso, vittharadoso ya rūvadoso ya | duvidho ya rūvadoso, itthigata napuṃsato ceva ||4913|| ekkekko so duvidho, saccitto khalu tadheva accitto| accitto vi ya duvidho, tatthagatā''gaṃtuo ceva ||4914||