Biha Kappa v2.p304

v2.p304

co usa
kaṭṭhe putthe citte, daṃtovasa maṭṭiyaṃ va tatthagaṃtaṃ | emeva ya āgaṃtuṃ, pāsittaya beṭṭiyā javaṇe || 4915|| paḍivesigaekkaghare, sacittarūvaṃ tu hoti tattha gayaṃ | suṇṇamasuṇṇaghare vā, emeva ya hoti āgaṃtuṃ || 4916|| “duviho 0 " [“ekkekko so0 "kaṭṭhe0 " "paḍivesiga0 " ] gāhā | tattha jo so rūvadoso, so itthīo napuṃsakāo ya | ekkekko duviho - sacitto acitto ya | acitto ya duvidho–tatthagao āgaṃtuo ya | kaṭṭhakamma potthakamma cittakamme jā itthī kātelliyā daṃtapāhāṇamaīyā vā maṭṭiyāmayī vā paḍimā | jammi uvassae vasati tatthagatamacittaṃ bhaṇitaṃ |
7766
idāṇiṃ āgaṃtugaṃ tu acittaṃ bhannai | āgaṃtu nāma annao āgayaṃ |
"emeva0 " gāhāpacchaddhaṃ | jahā tatthagayapaḍimāo tahā āgaṃtugapaḍimāo vi | jahā pālittagavāyaeṇa ranno bhagiṇi sarisiyā jaṃtapaḍimā kayā | caṃkamaṇummesa- ṇimesavatī tāliveṃṭahatthā āyariyassa purao ciṭṭhai | rāyā a atīva pālittae vāyagāṇa siṇehaṃ karei | dijjāiehiṃ paduṭṭhehiṃ ranno kahiyaṃ - ' bhagiṇī te samaṇieṇa abhiotiyā' rāyā na pattiyai bhaṇio–‘peccha, daṃsemu te' | rāyā āgao | pāsittā āyariyassa ruṭṭho paccosario ya | āyarieṇaṃ caḍa tti vigaraṇī kayā | rāyā suṭṭutaraṃ āuṭṭo | vaṃdiyā rāyakaṇṇā | 'javaṇe' tti javaṇavisa erisāṇi kammāṇi kīraṃti |
713
bhaṇiyaṃ accittaṃ | ahuṇā sacittaṃ bhaṇṇai |
taṃ duvihaṃ, ahavā sunnagharaṃ atiyatā asunnaṃ vā gharaṃ, tattha itthī dīsejjā | evaṃ āgaṃtugaṃ pi ṇāyavvaṃ | ete vasahīe rūvadosā vattavvā |
āliṃgaṇādī paḍisevaṇaṃ vā, daṭṭu sacittāṇamacedaṇe vā |
saddehi rūvehi ya iṃdhito tū, mohaggi saṃdippati hīṇasatte ||4917||
"āliṃgaṇādī0 " vṛttam | tesu tatthagayā āgaṃtuesu sacittaacittesu ke i āliṃgaṇacuṃbaṇādīṇi karemāṇe paḍisevamāṇe vā daṭṭu, itthīsaddaṃ vā paḍisevijjaṃte souṃ, kassai kāmaggī saṃdipejja{haṃ} hīṇasattayāe abhuttabhogīṇaṃ, tao kouga-saikaraṇadoseṇaṃ kougaṃ samuppajjai-āsaṇṇe gaṃtuṃ pāsāmi suṇemi vā |
koūhalaṃ ca gamaṇaṃ, siṃgāre kuḍḍuchiddakaraṇe ya |
diṭṭhe pariṇaya karaṇe, bhikkhuṇoṃ mūlaṃ duve itare ||4918||