Biha Kappa v2.p305

v2.p305

[aṇugghāiyapagayaṃ lahuto lahugā gurugā, chammāsā cheda mūla dugameva| diḍhe ya gahaṇamādī, puvvuttā pacchakammaṃ ca ||4919||
"koūhalaṃ ca0"["lahuto0"] gāhādvayam | siṃgāre vā gāyaṃti-suṇemi tti vaccejja, kuḍḍassa vā chiḍḍu kāuṃ paloejja | taṃ daṭuṃ so vi tabbhāvaṃ pariṇamejja-ahaṃ pi evaṃ karemi karejja vā | ettha pacchittaṃ-tattha gato suṇeti (māsalaghu) kotuhalaṃ vā se uppajjati 0| (māsaguru) vaccaṃtassa :: (caturlaghu) | siṃgāraṃ suṇeti :: | (caturguru) chiḍḍakaraṇe ::: (ṣaḍlaghu) pāsaṃto acchai chiḍḍeṇaṃ ::: | (ṣaḍguru) pariṇao chedo, karei mūlaṃ | evaṃ bhikkhussa | gaṇissa māsagurue āḍhattaṃ aṇavaḍhe i, [ṭhāti] āyariyassa caulahue pāraṃcite ṭhāti | aṇṇaṃ ca diḍhe saṃkā bhoiyādi vibhāsā | vasahīe rūvadoso bhaṇio |
idāṇiṃ vittharadoso bhannai
appo ya gaccho mahatī ya sālā, nikkāraṇe te ya tahiṃ ṭhitā u| kajje ṭhitā vā jataṇāem̐ hīṇā, pāvaṃti dosaṃ jataṇā imā tū ||4920|| "appo ya gaccho0" vṛttaṃ kaṇṭhyam | asivādikāraṇehiṃ, aṇṇā'sati vitthaḍāem̐ ṭhāyaṃti | otappota karitī, saṃthāragavatthapādehiṃ ||4921|| bhūmīe saṃthāre, aḍḍaviyaḍḍe kareṃti jaha daṭuṃ | ṭhātumaṇā vi divasao, ṇa ṭhaṃti rattiṃ timā jataṇā ||4922||
"asivā0" ["bhūmīe saṃthāre0"] gāhādvayaṃ kaṇṭhyam | evaṃ divasato aha ratti āgacchejja, tattha imā jataṇā
vesatthīāgamaṇe, avāraṇe cauguruṃ ca āṇādī|
aṇulomaṇa niggamaṇaṃ, ṭhāṇaṃ annattha rukkhādī ||4923||
"vesatthī0" gāhā | jati vesitthī āgaṃtuṃ bhaṇejja–'ahaṃ pi ettheva vasāmi', tato aṇulomeṇaṃ paḍisehetavvā, na pharusāveyavvā, mā chobhagaṃ paduṭṭhā dāhiti | “niggamaṇo "tti jati necchati niggaṃtuṃ sā vesatthī to sādhuhiṃ niggaṃtavvaṃ | aṇṇammi suṇṇagharādi ṭhāṇe ṭhātavvaṃ, asati rukkhamūle vi|
1. niggamaṇaṃ muca |