Biha Kappa v2.p348

v2.p348

bhāsagāhā-5163-5171] cauttho uddeso
sogaṃdhie ya āsitte, vaddhie cippie ti ya | maṃtosadhiovahate, isisatte devasatte ya ||5167||
"paṃḍae0" [“sogaṃdhie0"] silogadvayam | paṃḍaga-vāia-kībā uktāḥ | kuṃbhī duvidho-jāīkuṃbhī vedakuṃbhī ya | jāīkuṃbhī-jassa sāgāriyaṃ do bhāugā vā sūṇo vaḍḍā, eso bhaio pavvāvaṇāe | vedakuṃbhī-jassa mehuṇaṃ alaṃbhaṃtassa sujjati, esa ṇa vaṭṭai pavvāveuṃ īsāluyassa paḍisevijjataṃ daṭuṃ vedodayo bhavati | jai na labbhati taiyavedo bhavati | sauṇī nāma abhikkhaṃ paḍisevai viḍao, jahā tahā alabhamāṇo taito pariṇamai | takkasevī nāma paḍisevie samāṇe sāṇo jahā ullidhai | alabbhamāṇo taiyaṃ pariṇamati | pakkhiyā pakkhio ya egammi pakkhe hāyai, biie pakkhe vaḍḍai | taṃ pi alabhamāṇo taio pariṇamai | sogaṃdheuṃ nāma sāgāriyaṃ jiṃghai, jai na labhati taiyaṃ pariṇamai | vaddhio nāma jassa do bhāuyā avaṇīyā | cippio jassa bālabhāvo do bhātuyā cippittā virāhio | uvahato maṃtovahato, usahīe vā | isiṇā satto isisatto, deveṇa satto devasatto, aṃtillāo jai apaḍisevagā to pavvāvijjaṃti |
dasasu vi mūlā''yarie, vayamāṇassa vi havaṃti caugurugā| sesāṇaṃ chaṇhaṃ pī, āyariem̐ vaṃdati caugurugā ||5168||
"dasasu vi0" gāhā | āillā dasa vi jo āyariyo pavvāvei tassa mūlaṃ | jo bhaṇaipavvāvijjaṃtu tassa caugurugā | sesāṇaṃ āyariyassa vi :: | (caturguru) |
āha coyaka:thīpurisā jaha udayaṃ, dhareṃti jhāṇovavāsaniyamehiṃ | evamapumaṃ pi udayaṃ, dharijja jati ko tahiṃ doso ||5169|| adhavā tatite doso, jāyati itaresu kiṃ na so bhavati | evaṃ khu natthi dikkhā, saveyayāṇaṃ na vā titthaṃ ||5170|| "thīpurisā0" ["adhavā tatite0"] gāhādvayaṃ kaṇṭhyam | ācāryāhathīpurisā patteyaṃ, vasaṃti dosarahitesu ṭhāṇesu |
saṃvāsa phāsa diṭṭī, itare vatthaṃbadiṭuṃto ||5171||
"thīpurisā0" gāhā | saṃjayā saṃjaio ya piha piha uvassaesu vasaṃtī thī-pasupaṃḍagavirahitāsu ya vasahīsu | evaṃ dosarahiesu napuṃsao puṇa egaṭṭhavasamāṇo saṃphāseṇaṃ khubbhai |
1. itthīe bhagaṃ ityadhikaṃ cūrṇau |