Biha Kappa v2.p349

v2.p349

[pavvāvaṇāipagayaṃ 'diṭṭhi'tti sāgāriyaṃ daṭuṃ 'itaro 'tti napuṃsago | jaha vacchao apassamāṇo mātaraṃ na parissuo acchai | abhilasamāṇaṃ daṭuṃ puṇa abhilasai | goṇī vi vacchaṃ abhilasamāṇaṃ daṭuṃ paṇhūyai | jahā aṃbaphalaṃ daṭuṃ khajjamāṇaṃ vā puvvabbhāseṇa muhaṃ vikuvvai evaṃ napuṃsago vi | biiyapayaṃ
asive omoyarie, rāyaddadve bhae va āgāḍhe| gelanna uttimaṭe, nāṇe taha daṃsaṇa caritte ||5172|| "asive0" gāhā | asya vyākhyārāyaṭṭhabhaesuṃ, tāṇaṭṭha nivassa ceva gamaṇaṭṭhā | vijjo va sayaṃ tassa va, tappissati vā gilāṇassa ||5173|| guruṇo va appaṇo vā, nāṇādī giṇhamāṇa tappihiti | caraṇe desāvakkami, tappe omā'sivehiṃ vā ||5174|| eehim̐ kāraṇehiṃ, āgāḍhehiṃ tu jo u pavvāve | paṃḍāīsolasagaṃ, kae u kajje vigiṃcayā ||5175||
"rāyaḍuṭu0" ["guruṇo va0" "eehim̐ kāraṇehiṃ0"] gāhātrayaṃ kaṇṭhyam | tassa kāraṇe pavvāvijjamāṇassa imā jayaṇā
duviho jāṇamajāṇī, ajāṇagaṃ pannaveṃti u imehiṃ | jaṇapaccayaṭṭhayāe, najjaṃtamaṇajjamāṇe vi ||5176||
"duviho jāṇa0" gāhā | so kāraṇio pavvāvijjamāṇo duviho-napuṃsao jāṇao ajāṇao ya | jāṇao nāma jāṇai | so na vaṭṭai sāhūṇaṃ napuṃsao pavvāveḍaṃ, so paṇṇaveyavvo, na vaṭṭai tava pavajjā, ṇāṇādimaggavirāhaṇā te bhavissai | ayāṇao jo na yāṇati | eesiṃ duṇha vi kāraṇe pavvāvijjamāṇeṇaṃ imā jayaṇā kīrai
kaḍipaṭṭae ya chihalī, kattariyā bhaṃḍa loya pāḍhe ya | dhammakaha sanni rāula, vavahāra vigicaṇā vihiṇā ||5177|| "kaḍipaṭṭae0" gāhā | asya vyākhyā
kaḍipaṭṭao abhinave, kīrai chihalī ya amha'vevā''sī| kattariyā bhaṃḍaṃ vā, aṇicche ekkekkaparihāṇī ||5178|| chihaliṃ tu aṇicchaṃte, bhikkhugamādīmataṃ pa'ṇicchaṃte | parautthiyavattavvaṃ, ukkamadāṇaṃ sasamae vi ||5179||