Biha Kappa v2.p429

v2.p429

838 [parihāriyapagayaṃ visesacuṇṇi [parihāriyapagayaṃ] [suttaṃ] parihārakappaṭṭhiyassa ṇaṃ bhikkhussa kappati āyariyauvajjhāeṇaṃ taddivasaṃ egagihaṃsi piṃḍavāyaṃ davāvittae, teṇa paraṃṇo se kappati asaṇaṃ vā pāṇaṃ vā khāimaṃ vā sāimaṃ vā dāuṃvā aṇuppadāuṃvā / kappati se annataraṃ veyāvaḍiyaṃ karittae / taṃ jahā-uṭṭhāvaṇaṃ vā nisiāvaṇaṃ vā tuyaṭṭāvaṇaṃ vā uccāra-pāsavaṇakhela-siṃghāṇavigiṃcaṇaṃ vā visohaṇaṃ vā karittae / aha puṇa evaṃ jāṇijjā chinnāvāesu paṃthesu āure jhiṃjhie pivāsie, tavassī dubbale kilaṃte mucchijja vā pavaḍijja vā evaṃ se kappati asaṇaṃ vā pāṇaṃ vā khāimaṃ vā sāimaṃ vā dāuṃ vā aṇuppadāuṃvā // 4-31 // "parihārakappaṭṭhiyassa ṇaṃ bhikkhussa0" suttaṃ uccāreyavvaṃ / sambandhaḥ pacchittameva pagataṃ, sahussa parihāra eva na u suddho / taṃ vahato kā merā, parihāriyasuttasaṃbaṃdho // 5594 // vīsuṃbhaṇasutte vā, gīto balavaṃ ca taṃ pariṭuppā / coyaṇa kalahammi kate, tassa u niyameṇa parihāro // 5595 // "pacchitta0" ["vīsuṃbhaṇa."] gāhādvayam / āvaṇṇaparihārakappaṭṭhio tassa parihārakappaṭṭhitassa 'taddivasaṃ pi' ti sakka-mahādī puvvaddhaṃ / ūsavo iṃdamahāti taddivasaṃ viyara vicchaḍḍāe sāhū āṇeti, kassai bhāvo hojjā tāhe āyariyā se saṃghāḍayaṃ deṃti, teṇa paraṃ ṇa kappai se aṇuparihāriuṃ sakāraṇe uvaṭṭhaṇādī karejja, jao chiṇṇaddhāṇaṃ kilaṃto tadā dijjai / esa suttatho| āha coyaka:- pramādo na kārya ityupadeśena caran kathaṃ parihāratvaṃ prāptaḥ ? atra ucyatekaṃṭagamādīsu jahā, ādikaḍille tahā jayaṃtassa / avasaṃ chalaṇā''loyaṇa, ṭhavaṇā jutte ya vosaggo // 5596 // [ni0] "kaṃṭagamādīsu0" gāhā / ādikaḍillamuggamādi / ahavā ṇāṇādibalieṇa ya āloeyavvaṃ / āloie nāma ṭhavaṇā prāyaścittaprāpta ityarthaḥ / ‘ṇāe'tti āvanno 'parihāriya' ttire eyāe āloyaṇāe etaṃ jñātaṃ, ācāryeṇa jutto saṃghayaṇeṇa āgamādīhi ya 'vosaggo' tti jhāṇaṇānimittaṃ bhayajaṇaṇanimittaṃ nirūvasagganimittaṃ ca savvo gaccho kāusaggaṃ karei / cauvīsatthayaṃ 1-3. na dṛśyate muca /