Biha Kappa v2.p430

v2.p430

839 bhāsagāhā-5594-5603] cauttho uddeso aṇupehettā cauvīsatthayaṃ ceva uccārettā imaṃ savvaṃ bhaṇaṃti esa tavaṃ paḍivajjati, ṇa kiṃci ālavati mā ṇa ālavahā / attaciṃtagassā, vāghāto bhe ṇa kātavvo // 5597 // "esa tavaṃ0" gāhā / eeṇa'mhe ṇālaviyavvā / amhehiṃ vi eso ṇālaviyavvo / ālāvaṇa paḍipucchaṇa, pariyaṭṭaṭṭhāṇa vaṃdaṇaga matte / paḍilehaṇa saṃghāḍaga, bhattadāṇa saṃbhuṃjaṇā ceva // 5598 // "ālāvaṇa0" gāhā / na eeṇa amhaṃ ālāvao dāyavvo / amhehiṃ vi eyassa ālāvao na dātavyo / evaṃ pāḍipucchaṇaṃ pariyaṭṭaṇaṃ uṭṭhavaṇaṃ vaṃdaṇagaṃ uccāramattayaṃ-pāsavaṇa-khelamattayaṃ / tinni vi ekkaṃ ceva paḍilehaṇiyaṃ / saṃghāḍagaṃ bhatta-pāṇaṃ saṃbhuṃjaṇaṃ / eesu vitahācaraṇe imaṃ pacchittaṃ saṃghāḍagou jāva u, lahuo māso dasaṇha u payāṇaṃ / lahugā ya bhattadāṇe, saṃbhujaṇa hota'ṇugghātā // 5599 // "saṃghāḍagou0" gāhā / ālāvagāto āḍhaveuṃ jāva saṃghāḍago tāva jai gacchillagā parihariyassa kareṃti to gacchilliyāṇaṃ māsalahuṃ savvattha, aha bhattapāṇaṃ dei :: (caturlaghu) / aha saṃbhuṃjaṃti :: / (caturguru) / idāṇiṃ pārihāriyassa / aṭṭaṇhaṃ tu padāṇaṃ, guruo parihāriyassa māso u| bhattapadāṇe saṃbhuṃjaṇe ya cauro aṇugghāyā // 5600 // "aṭṭaṇhaṃ tu0" gāhā / uccārādī tinni vi mattagā ekkaṃ ceva teṇa tiṇṇi jāva saṃghāḍago tāva pārihāriyassa māsaguruṃ, bhattadāṇe saṃbhuṃjaṇe ya dosu vi :: / (caturguru) / kuvvaṃtāṇetāṇi u, āṇādi virāhaṇā duveṇhaṃ pi / devaya pamatta chalaṇā, adhigaraṇādī ya uditammi // 5601 // "kuvvaṃtāṇetāṇi u0" gāhā / kaṇṭhyā / kappai egagihaṃsi piṃḍavāyaṃ davāvettae asya vyākhyā sūtrārthe uktā tathāpyaśūnyārthaṃ punarapyucyate / saṃkhaḍīe viulaṃ va bhattapāṇaṃ, daṭṭaṇaṃ sāhavajjaṇaṃ ceva / nāūṇa tassa bhāvaṃ, saṃghāḍaṃ deṃti āyariyā // 5602 // bhāvo dehāvasthā, tappaḍibaddho va īsi bhāvo se| appātita hayataṇho, vahati suhaṃ sesa pacchittaṃ // 5603 //