Biha Kappa v2.p441

v2.p441

850 visesacuṇṇi [mahānaīpagayaṃ eravai jattha cakkiya, tārisae na uvahammatī khettaṃ / paḍisiddhaṃ uttaraṇaṃ, puṇṇāsati khetta'ṇuṇṇāyaṃ // 5653 // satta u vāsāsu bhave, dagaghaṭṭā tinni hoṃti uḍubaddhe / je tu ṇa haṇaṃti khettaṃ, bhikkhāyariyaṃ va na haṇaṃti // 5654 // “eravai jattha cakkiya0"["satta uvāsāsu0"] gāhā| eravatinadī kuṇālājaṇavae addhajoyaṇavitthiṇṇā addhajaṃghāe udagaṃ, tīe puṇa kesui padesesu udagaṃ atthi kesu vi natthi / tīe uttariuṃ jattha bhikkhāyariyāe gammai tattha jai uḍubaddhe tiṇṇi udagasaṃghaṭṭā te gayā'gaeṇaṃ / vāsāsu satta te gamaṇāgamaṇeṇaṃ coddasa, jattherisaṃ tattha na uvahammai / 'punne sai'1 asya arthaḥ / puṇṇe māsakappe vāsāvāse vā jai puṇaṇuttinnāṇaṃ atthi annaṃ khettaṃ to na uttariyavvaṃ / jāṇi aṇutinnāṇi khettāṇi tesu vihariyavvaṃ / aha aṇuttiṇṇāṇaṃ annaṃ ṇatthi khettaṃ to uttariyavvaṃ / jaha kāraṇammi puṇṇe, aṃto taha kārammi asivādī / uvahissa gahaṇa liṃpaṇa, ṇāvoyaga taṃ pi jataṇāe // 5655 // "jaha kāraṇammi0" gāhā / jaha kāraṇe puṇṇe māsakappe vāsā ya so to annakhettā asatīe diṭuṃ uttaraṇaṃ / tahā aṃto vi māsassa asivādīhiṃ kāraṇehi uvahī vāhallio levassa vā aṭṭhāe uttarejja / ṇāvādīsu uttariyave imā jayaṇā ṇāva thala levaheḍhā, levo vā uvari eva levassa / doṇṇī divaḍḍamakkaṃ, addhaṃ ṇāvāem̐ parihātī // 5656 // do joyaṇāim̐ gaṃtuṃ, jahiyaṃ gammati thaleṇa teṇa vae| mā ya durūhe nāvaṃ, tatthāvāyā bahū vuttā // 5657 // "ṇāva thala0" ["do joyaṇāiṃ0"] gāhā / ṇāvāe uttariyavvāe do joyaṇāī pariharaṃto thaleṇaṃ vaccau mā ya ṇāvāe / levovariṇā uttariyavvo divaḍhe joyaṇaṃ pariharaṃto thaleṇaṃ vaccau mā ya levovarieṇaṃ / leveṇaṃ uttariyavve joyaṇaṃ pariharaṃto thaleṇaṃ vaccau mā ya leveṇaṃ / jaṃghaddhe uttariyavve addhajoyaṇaṃ pariharaṃto thaleṇaṃ vaccau mā ya jaṃghaddhāe / eesiṃ parihāraparimāṇaṃ asaie ṇāvāe levovariṇā vā leveṇa vā jaṃghaddhāe vā gammai / thalasaṃkamaṇe jayaṇā, paloyaṇā pucchiūṇa uttaraṇaṃ / paripucchiūṇa gamaṇaṃ, jati paṃtho teṇa jataṇāe // 5658 // 1. punnāsaha muca /