Biha Kappa v2.p442

v2.p442

bhāsagāhā-5654-5663] cauttho uddeso 851 "thalasaṃkamaṇe0" gāhā / thaleṇaṃ gaṃtavvaṃ paḍipucchiūṇa jai paṃtho atthi vaccaṃti / samudāṇaṃ paṃtho vā, vasahī vā thalapatheṇa jati natthi / sāvatateṇabhayaṃ vā, saṃghaṭṭeṇaṃ tato gacche // 5659 // ṇibhae gārathīṇaṃ, tu maggato colapaṭṭamussāre| sabhae atthagghe vā, uttiṇṇesuṃ ghaṇaṃ paḍheṃ // 5660 // dagatīre tā ciṭṭhe, ṇippagalo jāva colapaṭṭo tu / sabhae palaṃbamāṇaṃ, gacchati kāeṇa aphusaṃto // 5661 // "samudāṇaṃ0" gāhā / kaṇṭhyā / tao udagasaṃghaṭṭeṇaṃ vaccaṃti / tattha kā jayaṇā["ṇibhae gāratthīṇaṃ0" "dagatīre0"] pāyaṃ ukkhivittā puṇo jayaṇāi ṭhavei / jāhe jaṃtugāo' uvari tāhe aṃtaggaeṇa jaleṇa jayaṇāe avillohaṃto vaccai, jāhe thalaṃ patto bhavati tāhe pāe ṇippagalei, iriyāvahiyaṃ paḍikkamai / dagaleve jai gihatthā atthi uttaraṃtayā jeṇa te uttaraṃti teṇa uttariyavvaṃ / jai ṇatthi bhayaṃ pacchā tesu uttinnesu ullabhai maggao jattiyaṃ pāṇiyaṃ pāvai tittiyaṃ tittiyaṃ ussārei uvarihuttaṃ colapaḍheṃ-ovassa paccavāyaṃ aṇagghaṃ2 vā hojja pāṇiyaṃ tāhe purao ullubhai maggao vi ṇa ullubhai / jāhe te uddhatiṇṇā tāhe te ullubhai / tahiṃ puṇa paḍipaṭṭayaṃ ghaṇaṃ baṃdhai, jāhe uttiṇṇo tāhe taṃ colapaṭṭayaṃ dhareto acchai jāva nippagalo jāo| aha sapaccavāyaṃ tāhe galaṃteṇa vi vaccai, ṇa ya aṃga alliyāvei / evaṃ gihatthehiṃ samaṃ / aha natthi gihatthā, ṇa ya koi pucchiūṇa dīhamahallā tāhe uyāraṃ uttāraṃ ca paḍilehaṃti uvagaraṇaṃ, ekkā jogaṃ kareṃti / etadevārtham - asai gihi ṇāliyāe, āṇakkheuṃ puṇo vi paḍiyaraṇaṃ / egābhogaṃ ca kare, uvakaraṇaṃ leva uvariṃ vā // 5662 // "asai gihi0" gāhā / kaṇṭhyā / bitiyapada teṇa sāvaya, bhikkhe vā kāraṇe va āgāḍhe| kajjuvahi magara chubbhaṇa, nāvodaga taṃ pi jataṇāe // 5663 // "bitiyapada0" gāhā / biiyapade ṇāvāe vā levovariyādīhi vā gacchejja vijjamāṇe vi thalaparihāre / teṇā duvihā-sāvayā vā parihāreṇa bhikkhaṃ vā ṇatthi parihāreṇaṃ, āgāḍhaṃ ṇāma 1. jaṃghāo iti bhāvyam ? 2. colapaṭṭayaṃ / [ aha] tattha paccavāyaṃ atthagdhaṃ iti bhāvyam ?