Biha Kappa v2.p56

v2.p56

bhāsagāhā-3518-3528] bīo uddeso
jamhā dhārai sijjaṃ, paḍamāṇiṃ chajja leppamāīhiṃ | jaṃ vā tīऍ dharetī, naragā āyaṃ dharo tamhā ||3524||
"govāiūṇa." ["jamhā dhārai0"] gāhā | sejjāe sārakkhaṇaṃ saṃgovaṇaṃ, jeṇa tarai kāuṃ | tattha ṭhie yā vi rakkhiuṃ tara tti, tattha ṭhiyā sāhuṇo te sārakkhiuṃ tarai teṇa sejjāyaro| ahavā teṇa sejjāpayāṇeṇa saṃsāraṃ tarai teṇa sejjāyaro| sāgāriya tti gayaṃ |
iyāṇiṃ ko puṇa tti dāraṃ
sejjāyaro pabhū vā, pabhusaṃdiṭṭo va hoi kāyavvo | egamaṇege va pabhū, pabhusaṃdiḍhe vi emeva ||3525||
"sejjāyaro pabhū vā0" gāhā | jo so pabhū so ego vā aṇego vā hojjā je vi pabhū saṃdiṭṭhā te vi ego vā aṇego vā hojja ||
sāgāriya saṃdiṭe, egamaṇege caukkabhayaṇā tu | egamaṇegā vajjā, ṇegesu u vajjae ekkaṃ ||3526||
"sāgāriya saṃdiḍhe0" gāhā | ettha saṃdisaṃtae ya saṃdidvesu ya cattāri bhaṃgā |1-ego pabhū egaṃ saṃdisai, 2-ego pabhū aṇege saṃdisai, 3-bahave pabhuṇo egaṃ saṃdisaṃti, 4-bahave pabhuṇo bahave saṃdisaṃti | te ego vā aṇego vā vajjaṇīyā | aṇegesu ego ṭhavijjai | esa uvariṃ bhannihiti | ko puṇa tti gayaṃ |
idāṇiṃ kāhe tti dāraṃ
aṇuṇaviya uggahaṃgaṇa, pāyoggāṇuṇṇa atigate ṭhavite | sajjhāya bhikkha bhutte, ṇikkhittā''vāsae ekko ||3527|| paḍhame bitie tatie, cauttha jāme va hojja vāghāto | nivvāghāe bhayaṇā, so vā itaro va ubhayaṃ vā ||3528||
"aṇuṇaviya0" ["paḍhame0"] gāhā | ettha ṇegamapakkhāsṛ(śri)tā | āha, ego bhaṇai-aṇuṇṇavie uvassae sāgārio | annao bhaṇai-jadā sāgāriyassa uggahaṃ paviṭṭhā tayā sāgārio, aṇṇo bhaṇai-jayā aṃgaṇaṃ paviṭṭhā | anno bhaṇai-jayā pāuggaṃ aṇunnaviyaṃ | anno bhaṇai-jayā vasahiṃ paviṭṭhā | anno bhaṇai-daṃḍae nikkhitte | anno bhaṇai-jayā sajjhāyaṃ kāumāḍhattā | anno-jayā bhikkhāe paviṭṭhā | anno-jayā bhuttaṃ | anno-bhāṇesu nikkhitesu |