Biha Kappa v2.p57

v2.p57

[sāgāriyapārihāriyapagayaṃ anno-āvassae kae | anno bhaṇai-divasassa paḍhame jāme gate, anno biie jāme, anno taie jāme, anno cautthe jāme | āyario bhaṇai-savve ee aṇādesā | paḍhamādisu jāmasu jai vāghāo hojja to asejjātaro | ko puṇa vāghāo? teṇādīṇa bhaeṇaṃ annaṃ khettaṃ saṃkaṃtā| evaṃ asejjāyaro bhaṇai | 'ṇivvāghāe bhayaṇa' tti jai na gayā tattheva ca rattiṃ vutthā kallo ee ṇigaṃtukāmā tāhe imā bhayaṇā | 'so vā anno' va' tti asya vyākhyā
jati jaggaṃti suvihiyā, kareṃti āvāsagaṃ ca aṇṇattha | sejjātaro ṇa hotī, sutte va kae va so hotī ||3529||
"jai jaggaṃti0" gāhā | kaṇṭhyā | evaṃ anno sejjāyaro jo se ṇa jattha 'sutte va kae va so hohī2' ti jattha vutthā ṇa jaggiyā tattheva ya āvassayaṃ kayaṃ evaṃ so bhavai | 'ubhayaṃ va' tti asya vyākhyā
annattha va soūṇaṃ, āvāsaga caramamaṇṇahiṃ tu kare | donni vi tarā bhavaṃtī, satthādisu idharadhā bhayaṇā ||3530||
"annattha va0" gāhā | satthe gāme vā kahiṃ ci suvittā paccūsiyaṃ āvassayaṃ jai annattha kareṃti do vi sejjāyarā ‘iharahā bhayaṇa' tti jai satthe ceva āvassayaṃ kareṃti carimaṃ paccūsikamityarthaḥ | satthellagasejjadātā sejjāyaro | aha na ceva vuttā jattha āvassayaṃ kareṃti carimaṃ so sejjāyaro | eyaṃ ubhayabhayaṇā bhaṇiyā | ahavā imā bhayaṇā
asai vasahīya vīsuṃ, vasamāṇāṇaṃ tarā tu bhayitavvā | tattha'ṇṇattha va vāse, chattacchāyaṃ tu vajjeṃti ||3531||
"asai0" gāhā | jai saṃkuyā vasahī addhagā annattha sovagā jaṃti tattha je gayā jai kalleggaṇiyaṃ porusiṃ tattheva kareṃti do vi sejjāyarā | aha mūlavasahī paḍiyāgaṃtā kareṃti porisiṃ mūlavasahidāyā sijjāyaro | esā bhayaṇā | ahavā lāḍācāryānāmādeśena-jattha āyario vasati so sejjāyaro | chatto āyario | kāhe tti gayaṃ ||
kaiviho piṃḍo tti dāraṃ
duviha cauvviha chavviha, aṭṭaviho hoti bārasaviho ya |
sejjātarassa piṃḍo, tavvivarīo apiṃḍo u ||3532|| 1. itaro - muca. | 2. hotī - muca. |