Biha Kappa v2.p58

v2.p58

bhāsagāhā-3529-3557] bīo uddeso
"duviha0" gāhā |
āhārovahi duviho, vidu aṇṇe pāṇa ohuvaggahie | asaṇādicaura ohe, uvaggahe chavviho esa ||3533|| aṇṇe pāṇe vatthe, pāde suyādiyā ya caura? | asaṇādī vatthādī, sūcādi caukkakā tinni ||3534|| taṇaḍagalachāramallagasejjāsaṃthārapīḍhalevādī |
sejjātarapiṃḍo so, ṇa hoti seho ya sovahio ||3535||
"āhārovahi0" ["aṇṇe pāṇe0" "taṇa-ḍagalā0"] vakkhāṇagāhā | sūiyādī jesiṃ te sūyādīyā | sūī pipphalagā ṇahacchedaṇagā kannasohaṇaṃ, esa aṭṭhaviho bārasaviho asaṇādi eka 4| vattha-paḍiggaha-kaṃbala-pādapuṃchaṇaṃ | sūyādīgā ya cattāri| kaivihe tti gayaṃ |
idāṇiṃ asejjāyaro vva kāhe tti
āpucchiya uggāhiya, vasahīto ṇiggatoggahe ege| paḍhamādi jāva divasaṃ, vutthe vajjejja'horattaṃ ||3536||
"āpucchiya0" gāhā | ettha negamapakṣāśritā āha-ego bhaṇai-jayā sejjāyaro āpucchio bhavai | 'ucchū voliṃti vaī' gāhā [gā0 1539] | tadā asejjāyaro bhavai | anno bhaṇai-niggaṃtukāmehiṃ uggāhite asejjāyaro bhavai | anno jāhe vasahīe niggayā tāhe asejjāyaro bhavai | 'paḍhamāe jāva divasaṃ' asya vyākhyā-paḍhamāe porisīe divasassa ārabbha jāva cautthe pahare kappai | kadhaṃ punaretat jñāyate ? jahā paḍhamāe porisīe divasassa ārabbha | ata ucyate
aggahaṇaṃ jeṇa ṇisiṃ, aṇaṃtaregaṃtaraṃ duhiṃ ca tato | gahaṇaṃ tu porisīhi, codaga ! ete aṇādesā ||3537||
"aggahaṇaṃ jeṇa ṇisiṃ0" gāhā | rattiṃ savvaṃ na kappai ghettuṃ | anno bhaṇai-paḍhamāe porisīe gayāṇaṃ punnāe asejjāyaro, esā aṇaṃtarā | anno bhaṇai-biie jāme gae | esā egaṃtarā | anno bhaṇai-taie jāme asejjāyaro rattiṃ to esa biiyaṃtaro | anne bhaṇai-cautthe jāme asejjāyaro | ahavā esa biiyaṃtaro paḍhamāo jāmāo | ee ṇegamapakkhassiyāṇaṃ coyagāṇaṃ vayaṇā | āyario bhaṇai-ee savve aṇādesā | 'vutthe vajjejja ahorattaṃ' ti | eyaṃ āyariyavayaṇaṃ | imo āeso-jāvatieṇaṃ asejjāyaro bhavai |