Biha Kappa v2.p93

v2.p93

visesacuṇṇi [niggaṃthī uvassayapavesapagayaṃ viyāre tti | asya vyākhyānolleūṇa ṇa sakkā, aṃto vā hojja ṇatthi vīyāro | saṃte vā ṇa pavattati, ṇicchubhaṇa viṇāsa garihā ya ||3701||
"nollettūṇa0" gāhā | kaṇṭhyā | ṇavaraṃ ṇicchubhaṇa tti avidiṇe ṇicchubhaṃti vosaraṃtīo | bhikkha tti | asya vyākhyā
satikālapheḍaṇe esaṇādipelaṃta'pellaṇe hāṇī | saṃkāya'bhāviesu ya, kulesu dosā caraṃtīṇaṃ ||3702||
"saikālapheḍaṇe0" gāhā | kaṇṭhyā | ṇavaraṃ hāṇi tti | suttatthāṇaṃ | sajjhāe tti asya vyākhyā
sajjhāe vāghāto, vihāra bhūmiṃ va patthiya ṇiyattā | akaraṇa ṇāsā''rovaṇa, sutta'ttha viṇā ya je dosā ||3703||
"sajjhāe vāghāto0" gāhā | kaṇṭhyā | pālīya hoti bhedo appāṇa pare tadubhae ya [3674] iti dāraṃ-saṃjamapālīe bhedo egā tattha paḍissayapāliyā acchati | teṇaṃ bhaṇṇatikahiṃ gayāo ajjāo? sā bhaṇati-bhikkhassa | so bhaṇati-tumaṃ kiṇṇa gayā ? sā bhaṇatimohatigicchākhamaṇaṃ karemi | so bhaṇati-ahamavi mohatigicchākhamaṇaṃ karemi | teṇaṃ bhaṇṇatikahaṃ te dhammo bohiladdhā ? sā bhaṇati-bhoyago me mato | adhavā tassāhaṃ aciyattā | teṇaṃ bhaṇṇati-ahamavi evaṃ ceva | ettha vibhāsā gāhāo kaṇṭhāo |
saṃjama mahātalāgassa ṇāṇaveraggasupaḍipuṇṇassa | suddhapariṇāmajutto, tassa u aṇaikkamo pālī ||3704|| saṃjama abhimuhassa vi, visuddhapariṇāmabhāvajuttassa | vikahādisamuppaṇṇo, tassa u bhedo muṇeyavvo ||3705|| adhavā pālayatīti, uvassayaṃ teṇa hoti sā pālī | tīse jāyati bhedo, appāṇaparobhayasamuttho ||3706|| mohatigicchā khamaṇaṃ, karemi ahamavi ya bohi pucchā ya | maraṇaṃ vā aciyattā, ahamavi emeva saṃbaṃdho ||3707|| omāṇassa va dosā, tassa va gamaṇeṇa saggalogassa | mahatariyapabhāveṇa ya, laddhā me saṃjame bohī ||3708||