Biha Kappa v2.p94

v2.p94

503 padamitā mi gharāse, teṇa hatāseṇa to ṭhitā dhamme | siṭuṃ dāi rahassaṃ, ṇa kahijjai jaṃ aṇattassa ||3709|| rikkhassa vā vi doso, alakkhaṇo so abhāgadhijjo ṇu | na ya nigguṇā mi ajjo !, tubbhe vi ya nāhii visesaṃ ||3710|| ikalattavioge, aṇṇammi ya tārise avijjaṃte | mahatarayapabhāveṇa ya, ahamavi emeva saṃbaṃdho ||3711|| kiṃ pekkhaha sārikkhaṃ ?, mohaṃ me ṇeti majjha vi taheva |
ucchaṃgagatā mi matā, iharā ṇa vi pattiyaṃto mi ||3712||
["saṃjama mahātalāgassa0" "saṃjama abhimuhassa0" "ahavā pālayatīti0" "mohatigicchā0" "omāṇassa0" "padūmitā0" "rikkhassa0" "iṭṭhakalatta0" "kiṃ picchaha0"] omāṇo savattīhi | padūmitākleśavitā ityarthaḥ | 'kiṃ pekkhaha sārikkhaṃ'ti vayaṇaṃ mohaṃ me ṇeti mucchijjāmi | saṃjayavayaṇaṃ majjha vi tti |
iti saṃdasaṇa saṃbhāsaṇehi bhinnakadha virahajoehiṃ |
sejjātarādipāsaṇa, voccheda dudiṭṭhadhamma tti ||3713||
"iti saṃdasaṇa0" gāhā | iti upapradarśanārthaḥ parisamāptau ca | atra upapradarśanārthaḥ evaṃ tāṇi saṃdaṃsaṇādīhiṃ jāva paḍisevaṇaṃ vā karemāṇāṇi sejjāyareṇa diṭṭhāṇi parijaṇeṇa vā se vocchedavibhāsā | evaṃ so viddāto paḍisevejja liṃgeṇa liṃgiṇīe saṃpavijjati ṇiyacchatī mūḍho nirayāuyaṃ nibaṃdhai asāyaṇayā abohī ya | evaṃ āya-parasamutthehiṃ dosehiṃ saṃjamapālīe bhedo bhavati | evaṃ ciṭṭhittae tti padaṃ samattaṃ ||
idāṇiṃ ṇisiyaṇādīṇi suttābhihitāṇi padāṇi bhaṇṇaṃti
payalā nidda tuaṭṭe, acchiddimmi camaḍhaṇe mūlaṃ | pāsavaṇe saccitte, saṃkā vucchammi uḍḍāho ||3714|| payalā nidda tuaṭṭe, acchīṇaṃ camaḍhaṇammi caugurugā | diḍhe vi ya saṃkāe, gurugā sesesu vi padesu ||3715|| sajjhāeṇa ṇu khiṇṇo, āuṃ aṇṇeṇa jeṇa payalāti | saṃkāem̐ huti gurugā, mūlaṃ puṇa hoti ṇissaṃke ||3716||
1. iya muca |