Biha Kappa v2.p97

v2.p97

[niggaṃthī uvassayapavesapagayaṃ
uppanne ahigaraṇe, viosaveuṃ tahiṃ pasatthaṃ tu |
accheti khauriyāo, saṃjamasāraṃ ṭhaveuṃ je ||3730|| "uppanne ahikaraṇe0" gādhā | bhaṇe (gaṇadhara)tti |
jati kālagatā gaṇiṇī, natthi u annā u gaṇaharasamatthā | eteṇa kāraṇeṇaṃ, gaṇaciṃtāe vi gacchejjā ||3731|| "jai kālagayā0" gādhā| aṇappajjha tti | |
ajjaṃ jakkhāiṭuṃ, [va] khittacittaṃ va dittacittaṃ vā | ummāyaṃ pattaṃ vā, kāuṃ gacchejja appajjhaṃ ||3732|| "ajjaṃ jakkhāi80" gādhā | agaṇi tti |
jati agaṇiṇā u vasahī, daḍḍā ḍajjhai va ḍajjhihiti va tti | nāūṇa va soūṇa va, uvaghettuṃ je va jāejjā ||3733|| "jai agaṇiṇā0" gādhā | āu tti | nadipūraeṇa vasadhī, vujjhai vūḍhā va vujjhihiti va tti | udagabhariyaṃ va soccā, uvaghettuṃ taṃ tu vaccejjā ||3734|| "nadipūraeṇa0" gādhā | viyāre tti | ghoḍehi va dhuttehi va, ahavā vi jatīviyārabhūmīe | jayaṇāe va kareuṃ, saṃṭhavaṇāe va vaccejjā ||3735|| putto vā bhāyā vā, bhagiṇī vā hojja tāṇa kālagayā | ajjāem̐ dukkhiyāe, aṇusaṭṭīe vi gacchejjā ||3736|| telokkadevamahiyā, titthayarā nīrayā gayā siddhi | therā vi gayā keī, caraṇaguṇapabhāvayā dhīrā ||3737|| baṃbhī ya suṃdarī yā, annā vi ya jāu logajeṭṭhāo | tāo vi ya kālagayā, kiṃ puṇa sesāu ajjāu ? ||3738|| na hu hoi soiyavvo, jo kālagao daḍho carittammi | so hoi sotiyavvo, jo saṃjamadubbalo vihare ||3739||