Biha Kappa v2.p98

v2.p98

labhrūṇa māṇusattaṃ, saṃjamasāraṃ ca dullabhaṃ jīvā |
āṇāi pamāeṇaṃ, doggaibhayavaḍḍaṇā hoti ||3740||
"ghoḍehiṃ va0" ["putto vā0" "telokkadeva." "baṃbhī ya0" "na ha hoi0" "lakṣṇa0"] gādhā | ghoḍā ḍaṃgarā dhuttā vā viyārabhūmie ṭhitā hojja | 'adhavā vi jati 'tti ahavā te jataya etesiṃ vāraṇāṇimittaṃ gacchejjā 'annaṃ vā kare'2 tti jayaṇāe puvvakayāe vā saṃṭhavaṇāe gacchejjā | puttasaṃgame tti |
putto piyā va bhāyā, ajjāṇaṃ āgao tahiṃ koī | ghittūṇa gaṇaharo taṃ, vaccati to saṃjatīvasahiṃ ||3741|| saṃlihiyaṃ pi ya tivihaṃ, vosiriyavvaṃ ca tiviha vosaṭuṃ | kālagaya tti ya soccā, sarīramahimāi gacchejjā ||3742||
"putto piyā va0" [“saṃlihiyaṃ pi"] gādhā | saṃlehaṇa tti taṃ tividhaṃsaṃlihittukāmā, saṃlihaṃtīe, saṃlihite | eyaṃ tividhaṃ vosiritaṃ ti vā paccakkhāyaṃ ti vā egaṭuṃ | paccakkhaṃtīe paccakkhitte ya tti, kālagayāe ya sarīraveyāvaḍiyāe gacchejja | ete tinni ṇiṭṭhiteti 'tivihaṃ' ti | etadeva tividhaṃ vosiraṃtīe vosaṭe sarīramahimāte ya|
jādhe vi ya kālagayā, tādhe vi ya dunni tinni vā divase | gacchejja saṃjaīṇaṃ, aṇusaddhiṃ gaṇaharo dāuṃ ||3743|| "jādhe vi ya0" gādhā | kāraṇajāte tti gayaṃ | idāṇiṃ pāhuṇae tti dāraṃ | asya vyākhyā
appabiti appatitiyā, pāhuṇayā āgayā sauvacārā | sijjāyara māmāe, paḍikuṭṭadesie pucchā ||3744||
"appabiti0" gādhā | pāhuṇayā appabitiyā appatatiyā vā āgayā | tesiṃ ca tattha satikālo tehiṃ sutaṃ ṇāyaṃ vā jadhā - ettha atthi sādhuṇīyo tattha ajjāṇaṃ paḍissayaṃ vaccaṃti sauvayāraṃ | sauvayāro nāma tiṇṇi ṇisīdhiyāo tattha pavattiṇī appabitiyā vā ṇiggaṃtuṃ te vaṃdati, āsaṇaṃ vā deti imāe vidhīe
1. jatīṇaṃ iti bhāvyam ? malavṛ | 2. jayaṇā eva kareuṃ muca |