Biha Kappa v19.p152
Bṛhatkalpavṛtti v19.p152
- Language
- Sanskrit
v19.p152
ye sādhava ācāmlena 'durbalāḥ' kṛśībhūtaśarīrāste 'kadā varṣāvāsaḥ pūriṣyate ?' ityeva nirgamanaṃ pratīkṣamāṇā yat paritāpanādikamavāpnuvanti tanniṣpannaṃ prāyaścittam | kṣapakā vā vikṛṣṭataponiṣṭaptavapuṣo nirgamanaṃ pratīkṣante; glāno vā adhunotthito duḥkhaṃ tatra tiṣṭhati, caturmāsādūrdhvamapya- bastānena kṣetrasya camaḍhitatayā tathāvidhapathyādyabhāvāt; gorasadhātuko vā kaścit sindhudeśīyaḥ pravrajitaḥ so'pi gorasābhāvānna tatra sthātuṃ śaknoti; tatastena vinā yat paritāpyante tanniṣpannamanirgacchatāṃ prāyaścittam || atha nirgacchanti tataḥ kiṃ bhavati ? ityāha
[bhā. 2750] ee na hoṃti dosā, bahiyā sulabhaṃ ca bhikkha uvahī ya | bhavasiddhiyā u vāṇā, biiyapaya gilāṇamādīsu ||
vṛ- varṣāvāse pūrṇe nirgacchatām 'ete' anantaroktā doṣā na bhavanti | 'bahiśca' bahirgrāmeṣu viharatāṃ bhaikṣaṃ sulabhaṃ bhavati, tena ca durbala kṣapakādīnāmāpyāyanā syāt | upadhiśca bahi prāpyate | bhavasiddhikāśca sattvā bodhamāsādayanti | kecidvā tadānīmācāryāṇāṃ darśanamabhilaṣanta teṣāṃ sarvaviratyādipratipatti | ājñā ca bhagavatāṃ tīrthakṛtvāṃ kṛtvā bhavati | yata evamato varṣāvāsānantaraṃ nirgantavyam | dvitīyapade glānādiṣu kāraṇeṣu na nirgacchanti, ādiśabdādavamaudaryādiparigrahaḥ | atra ca yatanā māsakalpaprakṛte “caubhāga tibhāga'ddhe, jayaṃta'nicche alaṃbhe vā |" ityādinā darśitā tathaiva draṣṭavyā ||
[bhā. 2751] tamhā u vihariyavvaṃ, vihinā je māsakappiyā gāmā |
chaḍḍei vaṃdaṇādī, tai lahugā maggaṇā patthā ||
vṛ-yadi glānādikāraṇaṃna syāt tato'vaśyaṃ vidhinā māsakalpaprakṛtoktena ye māsakalpaprāyogyā grāmāsteṣu viharttavyam | atha māsakalpaprāyogyāṇi kṣetrāṇi “caityavandanādibhi" vakṣyamāṇaiḥ kāraṇaiḥ chardayati tadā yāvanti kṣetrāṇi parityajya gacchati tāvanti catarlaghukāni | " maggaṇā pattha" tti dvitīyapade māsakalpaprāyogyakṣetrāṇāmapi parityāge ye guṇāsteṣāṃ 'mārgaṇā' anveṣaṇā 'pathyā' hitā || atha vandanādīnyeva kāraṇāni pratipādayati
•
āyariya sāhu vaṃdana, ceiya nīyallae tahā sannī |
gamanaṃ ca desadaṃsaṇa, vaigāsu ya evamāīṇi ||
vṛ- ācāryāṇāṃ sādhūnāṃ caityānāṃ vā vandanārthaṃ gacchati | 'nijakāḥ ' saṃjñātakāḥ 'saṃjñinaḥ ' śrāvakāsteṣāmubhayeṣāmapi darśanārthaṃ deśadarśanārthaṃ vā gamanaṃ karoti | vrajikāsu vā 'kṣīrādikaṃ lapsye'ham' iti kṛtvā gacchati | evamādīni kāraṇāni māsakalpayogyakṣetraṃ parityajannavalambate || athāmūnyeva vyākhyānayati
[bhā. 2753] appuvva vivitta bahussuyā ya pariyāravaṃ ca āyariyā | pariyāravajja sāhū, ceiya puvvā abhinavā vā ||
vṛ- 'apūrvā' adṛṣṭapūrvā 'viviktāḥ ' niraticāracāritrāḥ 'bahuśrutā nāma' yugapradhānāgamā vicitraśrutā vā 'parivāravantaśca' bahusādhusamūhaparivṛtāḥ, evaṃvidhā ācāryā amukatra nagarādau tiṣṭhanti tānahaṃ vandiṣye | sādhavo'pyevaṃvidhaguṇopetā eva, navaraṃ parivāravarjāste bhavanti | caityāni ‘pūrvāṇi vā’ cirantanāni jīvantasvāmipratimādīni 'abhinavāni vā' tatkālakṛtāni, 'etāni
www.jainėlibrary.org
Linked texts (1)
- Bihā Kappa — Bhadrabāhu, Ardhamāgadhī Prakrit