Pramāṇa · Search · About · API

Biha Kappa v20.p62

Bṛhatkalpavṛtti v20.p62

Language
Sanskrit

v20.p62

āsapā

vṛ-na vidyate vyāghātaḥ-pravrajyāvighno yasya so'vyāghātaḥ śaikṣaḥ, pūrvasādhuṣu kṣetrānnirgateṣvapi pravrajyāṃ gṛhṇāti na puna kālakṣepaṃkarotīti bhāvaḥ | “puno dāiṃ" ti 'punaḥ' 'bhūyo'pi yadā kila te sādhavaḥ samāyāsyanti tadā pravrajiṣyāmi' iti kaścit śaikṣobrūyāt | “jāvajīvaparājie"tti 'yadā yadā'haṃ pravrajitumabhilaṣāmitadātadā navairnavairvighnairuttiṣṭhamānairyāvajīmahaṃ parājitaḥ, ata eva me sāmpratamapi vyāghāta utthito yevaṃ sādhavo vihāraṃ kṛtavantaḥ' iti kaścid brūyāt | eṣāṃ śaikṣāṇāmekatare prathama-dvitīyadivasayoḥ pravrajitumupasthite 'jñāyake rūpaśabdādijñe 'kathaṃ' kena prakāreṇa 'kalpaḥ' pūrvasādhusamīpapreṣaṇādiko vidhirvidhīyate? || [bhā.4660] jāṇāvie kahaṃ kappo, vatthabve vātāhaḍe ti ya |
ujjū anuñjae yā vi, kahaṃ kappo'bhidhāraṇe|| vṛ-tathā vāstavye vā vātāhate vā tvamasmākaṃnābhavasi iti jñāpite kathaṃ kalpo bhavet ? | ṛjurnāma-ya ācāryādiretānśaikṣān pūrvasādhusamīpe prahiṇoti, tadviparīto'nṛjuḥ, etayościntā kartavyā |abhidhāraṇam-ekamanekān vāsādhūnamanasyādhāya śaikṣasya gamanam, tatra kathamābhāvyā'nābhāvyatāyāḥ kalpaḥ kriyate? || [bhā.4661] egaggāme aticchaṃte, kahaṃ kappo vihijjate |
duvihāmaggaṇā sīse, egavihā ya paḍicchae|| vṛ. “egaggāme"tti yatra grāme kṣetrikāḥ sthitāstatraiva kenāpi dharmakathinā ko'pi mityādṛṣṭirupaśamitaḥ sa kasyā''bhavati? | “aicchaṃte"tti kamapyācāryamabhidhāryātikrāmati vivakṣitakṣetramatītyāgrato gacchati śaikṣe kathaṃ kalpo vidhīyate ? | tathā 'śiṣye' śiṣyaviṣayā 'dvividhā' sajñātakā-'sajñātakaśaikṣabhedād dviprakārāmārgaṇā bhavati| pratīcchake ca 'ekavidhā' kevalasaṃjñātakaviṣayā mārgaṇā || [bhā.4662] paḍisehiyavaccaṃte, kahaṃ kappo vihijjai|
saṃgārādinnate yāvi, kahaṃ kappo vihijjai || vṛ-“paḍisehiyavaccaṃte"tti bhagavatāpratiṣiddham-glānapraticaraṇāvyāpṛtaiḥ śaikṣonapravrājanīyaḥ, ye tu taṃ pravrājyānyatra preṣayanti taiḥ preṣite tasmin gacchāntaraṃ vrajati kathaṃ kalpo vidhīyate ?| saṅgāraḥ-saṅketaḥ sa datto yasya śaikṣasya sa saṅgāradattaḥ, āhitāgnyāderākṛtigaṇatvāt ktāntasya paranipātaḥ, tasminnapi kathaṃ kalpo vidhīyate ? iti | etat sarvaṃ nirūpaṇīyamiti dvāraślokacatuṣṭayasamāsārthaḥ || atha vistarārthaṃ bibhaṇiṣuḥ prathamato ye pūrvamabhayajñādayaḥ puruṣā uktāstadviṣayakavakṣyamāṇapreṣaṇabhedasaṅgahāyāha[bhā.4663] cattāri navaga jāṇaṃtagammi jāṇāvie vi cattāri| - abhidhāraṇammi ee, khittammi vipariṇayā vā vi||
vṛ- yaḥ pūrvamubhayajña-rūpajñādibhedāt caturdhā jñāyaka uktaḥ tatra pratyekaṃ catvāraḥ 'navakāḥ' preṣaṇaviṣayā navaprakārarūpā bhavanti | tathā yo'jānānaḥ san sādhubhiḥ 'tvamasmākaṃ nābhavasi kintu pūrvasādhūnām' ityevaṃ jñāpitastatrāpi catvāro navakāḥ | abhidhāraṇaṃ nāma-manasikaraṇam,
tataḥ kṣetrikaṃ manasikṛtya yadi ‘ete' avyāghātadaya āgatāstadā vipariṇatā api kṣetrasvāmina

Linked texts (1)