Pramāṇa · Search · About · API

Biha Kappa v20.p68

Bṛhatkalpavṛtti v20.p68

Language
Sanskrit

v20.p68

vṛ- 'abhidhāraṇaṃ' pravrajyārthamācāyadirmanasā saṅkalpanam, tacca dvidhā anirdiṣṭaṃ nirdiṣṭaṃ ca | anirdiṣṭaṃ nāma - abhadhārayan kamapyācāryaṃ viśeṣato na nirdiśati | sa cābhidhārako dvidhā- saṃjñī asaṃjñī ca | punarekaiko dvidhā-gṛhītaliṅgo'gṛhītaliṅgaśca | eṣa sarvo'pyoghataḥ-sāmānyenācāryaviśeṣamanirdiśya vrajan svacchanda ābhāvyo bhavati, yasyāntike pravrajati tasyaivāsau śiṣya ityarthaḥ | nirdiṣṭaṃ punaḥ-abhidhāraṇaṃ taducyate yatra 'amukasyācāryasya samīpe pravrajiṣyāmi' iti nirdeśaṃ karoti | eṣo'pi dvidhā -saṃjñī asaṃjñī ca | bhūya ekaiko dvidhā-liṅgasahito liṅgarahitaśca | tatra liṅgasahitaḥ saṃjñī yamācāryamabhidhārya gacchati vipariṇato'pi tasyaivāsau bhavati, nānyasya || [bhā. 4692] niddiṭṭhe assantrī, gahiyā 'gahie ya agahie sannī | tasseva avipariṇate, vipariṇate jassa se icchā ||
vṛ-yo'saṃjñī sa gṛhītaliṅgo agṛhītaliṅgo vā bhavatu, yastu 'saṃjñī' śrāvakaḥ so'gṛhītaliṅgaḥ; ete trayo'pyavipariṇate bhāve yaṃ nirdiṣṭamācāryamabhidhārya gacchanti tasyaivābhavanti | atha taṃ prati bhāvo vipariṇatastato yasya sakāśe teṣāṃ pravrajitumicchā tasyaiva te śiṣyāḥ ||
atha kiṃ kāraṇaṃ liṅgasahito vrajati ? ityāha
[ bhā. 4693] cāriya-samudāṇaṭṭhā, tenaga gihipaṃta dhammasaḍḍā vā | eehi liṃgasahito, sannī va siyā asannī vā ||
vṛ-cārika:- herikastadviṣayā śaṅkā mā bhūditi budhyā liṅgaṃ gṛhītvā vrajati, tathā samudānaṃ bhaikṣaṃ tadarthaṃ liṅgaṃ gṛhṇāti, gṛhītaliṅgo hi sukhenaiva bhikṣāmāpnoti | stenā vā'pāntarāle gṛhiprāntā dharmaśraddhālavo vā tiṣṭhanti | etaiḥ kāraṇaiḥ saṃjñī vā asaṃjñī vā sādhusāmācārīnipuno liṅgasahitaḥ syāditi | iha yo nirdiśya vrajati sa ekamanekān vā nirdiśet | tatra yo anekān nirdiśati sa evaṃ saṅkalpayati- 'yo me pratibhāsiṣyate tasya sakāśe pravrajiṣyāmi' tadviṣayaṃ vidhimāha - negā uddisa gato, liṃgeṇa'pphālito tu ekkeṇaṃ |

davaṃ ca acakkhussaṃ, niddidṛ'nnaṃ gato tassa ||
vṛ- anekānācāryānuddiśya liṅgena sahito bahūnāṃ nirdiṣṭānāmantike gataḥ | tatra caikena ‘āsphālitaḥ’ sādaramābhāṣito yadi tamabhyupagatastadā tasyaivāsau śiṣyaḥ | athābhāṣito'pi tam ‘acakṣuṣyam' anirdiṣṭaṃ dṛṣṭvā nirdiṣṭamevānyaṃ kamapyabhyupagatastadā tasyābhavati || idameva saviśeṣamāha
[bhā.4695] niddiṭṭhamaniddivaṃ, abbhuvagaya liṃgi no labhai anno |
liṃgī va aliṃgī vā sacchaṃdeṇa aniddiṭṭho ||
vṛ- nirdiṣṭamanirdiṣṭaṃ vā ācāryamabhidhārya gacchan 'liṅgī' liṅgasahitaḥ śaikṣo yamācāryamabhyugatastasyaivābhavati, 'no' naivānyastaṃ labhate | yastu 'anirdiṣṭa' nādyāpi kamapyabhyupagataḥ sa liṅgī vā bhavatu aliṅgī vā saḥ 'chandena' yamabhirocayati tasyābhavati ||
[bhā. 4696 ] emeva asihasannī, niddiṭṭhassuvagato na annassa | abbhuvagato visasiho, jassicchati do va assannī ||

Linked texts (1)