Vavahara v21.p197

v21.p197

vyavahāra - chedasūtram - 1-1/18 nāpi yuṣmābhiretena saha bhoktavyam | tathā kalpe samācārāttasmāt ālāpane pratipracchanne parivartane utthāpane vandane vandanadāpane mātre uccāraprastravaṇakhelamātrakānayane pratilekhane saṅghāṭake saṃghāṭakakaraṇe bhaktadāne saṃbhojane ca saha bhojanaviṣaye vyāghāto na kartavya iti sambandhaḥ | ālāpanādibhirvyāghāto na kāryaityarthaḥ | evametairdaśabhiḥ padairgacchena sa parihṛtaḥ so'pi gacchametaiḥ padaiḥ pariharati, yadi punargacchavāsī etāni padānyaticarati tata idaṃ prāyaścittam |

saṃghāḍago u jāvaya lahuo māso dasaha upayāṇa | lahugāya bhattapāṇe, saṃbhojane hoṃta anugdhāyā ||
vṛ- daśānāṃ padānāṃ madhye ālāpanāpadādārabhya yāvadaṣṭamaṃ padaṃ saṃghāṭakarūpaṃ tāvadekaikasmin pade'ticaryamāṇe laghuko māsaḥ prāyaścittaṃ yadipunarbhaktaṃ pānaṃ ca gacchvāsinaḥ prayacchanti | tato bhaktadānaṃ bhaktapānadānaviṣaye laghukāścatvāro laghumāsāḥ prāyaścittaṃ, saṃbhījane sahabhojane bhavatyanuddhātāḥ catvāro gurumāsā ityarthaḥ | sāmpratameteṣveva padeṣu parihāriṇaḥ prāyaścittamāha

saṃghāḍago u jāvaya gurumāso dasaha upayāṇaṃ | bhattapāneya saṃbhuṃjaṇe ya parihāriṃge gurugā ||
vṛ- daśānāṃ yadānāmālocanapadādārabhya yāvatsaṃghāṭakaḥ saṃghāṭakapadaṃ tāvadeteṣu padeṣu aticaryamāṇeṣu pratyekaṃ pratyekaṃ parihārike guruko māsaḥ | yadi punargacchavāsibhyo bhaktapradānaṃ karoti taiḥ saha bhuṃkte vā tadā pratyekaṃ bhaktadāne saṃbhojane ca prāyaścittaṃ gurukāścatvāro gurumāsāḥ | yaḥ punaḥ kalpasthita sa idaṃ karoti

kitikammaṃ ca paḍicchai pariṇa paḍipucchiyaṃ pise dei | socia gurumuvaciṭṭhai udaṃtamavi pucchito kahaie ||
vṛ- kṛtikarma vandanakaṃ tat yadi parihāriko dadāti tadā guruḥ pratīcchati | upalakṣaṇametat, ālocanamapi praticchati pariṇyatti pratyūṣasi aparāhṇe ca parijñāṃ pratyākhyānaṃ tasmai dadāti | tathā sūtrārthe yadi vā pṛcchati tataḥ pratipṛcchāṃ ca dadāti | so'pi ca parihāriko gurumācāryamāgacchantamabhyutthānādinā vinayenopatiṣṭate | udantaḥ śarīrasya ca vārttamānikī vārttā tamapi guruṇā pṛṣṭaḥ san kathayati | evaṃ sthāpanāyāṃ sthāpitāyāṃ bhītasya pūrvoktaprakāreṇāśvāsanāyāṃ ca kṛtāyāṃ sa parihārikatapo voḍhuṃ pravartate | tapo vahaṃśca klamaṃ gato vīryācāramanigṛhayan yadyantatarāṃ kriyāṃ kartumasamartho bhavati, tadā anupārihārikaḥ karoti tathā cāha

ujja nisīijjā bhikkhaṃ hiṃḍeja bhaṃḍayaṃ pehe | kuviyapiyabaṃdhavassa va karei iyarovi tusiṇīo ||
bṛ- yadyutthātuṃ na śaknoti tato brūte uttiṣṭhāmi tadanantaramanupārihārikaḥ samāgatyotthāpayet tathā yadi niṣīdanaṃ kartumasamarthastadā niṣīdāmīti vacanānantaraṃ satvaramāgatya niṣīdayet | yacca bhikṣāṃ gataḥ san kartuṃ na śaknoti tadapi bhikṣāgrahaṇādikaṃ karoti | atha brūte bhikṣā eva hiṇḍitusamarthaḥ | yadā bhikṣāmanupārihārikaḥ kevalo hiṇḍeta evaṃ bhaṇḍakapratyupekṣaṇe'pi sāhāyyaṃ karoti | samastaṃ vā bhāṇḍakaṃ pratyupekṣate | kathametatsarvaṃ karotītyata āha kuvitetyādi, yathākopi kupita priya bāṃdhavasyayatkaraṇīyaṃtatsarva tuṣṇīkaḥ karoti, evamitaropyanuparihārika stūṣṇīkaḥ san sarvaṃ karoti, ataḥ para āha