Vavahara v21.p266

v21.p266

vṛ- tīritāyāṃ samāptāyāṃ pratimāyāṃ utprābalyena bhramantyudbhramāḥ bhikṣācarāsteṣāṃ niyogo vyāpāro yatra sa udbhramakaniyāgo grāmastatradarśanamātmanaḥ prakaṭanaṃ karoti | tataḥ sādhusaṃyataṃ saṃjñinaṃ vā samyagdṛṣṭiṃ śrāvakaṃ appāhetti saṃdeśayati | tato daṇḍino rājño nivedanaṃ satkāraṃ karoti, tadabhāve bhojikastasyāpyabhāve śrāvakavargastasyāpyabhāve saṅghaḥ sādhusādhvīvargaḥ | iyamatra bhāvanā- pratimāyāṃ samāptāyāṃ yasmin grāme pratyāsanne bahavo bhikṣācarāḥ sādhavaśca samāgacchanti | tatrāgatyātmānaṃ darśayati | darśayaṃśca svayaṃ sādhuṃ śrāvakaṃ vā paśyati, tasya saṃdeśaṃ kathayati yathā samāpitā mayā pratimā, tato'hamāgata iti tatrācāryā rājño nivedayanti, yathā-amukomahātapasvī samāptatapaḥ karmābhūditi sa mahatā satkāreṇa gacche praveśanīya iti | tataḥ sa rājā tasya satkāraṃ kārayitavyastadabhāve'dhikṛtasya grāmasya nagarasya vā nāyakastadabhāve samṛddhaḥ śrāvakavarga stadabhāve sādhusādhvī prabhṛtikaḥ saṅgho yathāśakti satkāraṃ karoti | satkāro mānastasyopari candrodaya dhāraṇaṃ nāndī tūryāsphālanaṃ sugandhavāsaprakṣepaṇamityādi | evaṃ rūpeṇa satkāreṇa gacchaṃ praveśayet | satkāreṇa praveśanāyāmime guṇāḥ

udbhāvanāpavayaṇe, saddhājananaṃ taheva bahumāno | uhāvaṇā kutitthe jīyaṃ taha titthavaḍḍīya |
vṛ- praveśasatkāreṇa pravacanasya udbhrājanā prābalyena prakāśanaṃ bhavati | tathā anyeṣā bahūnāṃ sādhūnāṃ śraddhājananaṃ yathā vayamapyevaṃ kurmo yena mahītī śāsanasya prabhāvanā bhavati | tathā śrāvaka-śrāvikāṇāmanyeṣāṃ ca bahumānamupajāyate śāsanasyopari yathā- aho mahāpratāpi pārameśvaraṃ śāsanaṃ, yatredṛśā mahātapasvina iti; | tathā kutīrthe jātāvekavacanaṃ | kutīrthānāmapabhrājanā hīlanā tatra īdṛśāṃ mahāsatvānāṃ tapasvināmabhāvāt | tathā jītametatkalpa epa samāptapratimānuṣṭhānaḥ satkaraṇīya iti, tathā tīrthavṛddhiśca | evaṃ hi pravacanasyātiśayamudīkṣamāṇā bahavaḥ saṃsārādvirajyante viraktāśca parityaktasaṅghāḥ pravrajyāṃ pratipadyante | tato bhavati tīrthapravṛddhiriti | tadevaṃ parikarmaṇābhidhānaṃ pratimāpratipattiḥ praveśasatkāraśca bhaṇitaḥ | sāmpratamadhikṛtasūtraṃ yatra yogamarhati tadvivakṣuridamāha

eeṇa sutna gayaṃ suttanivātī imo u avvatte |
uccāriya sarisaṃ puna, paruvīyaṃ puvvabhaṇiyaṃpi ||
vṛ- yadetadanantaraṃ parikarmaṇādikamuktaṃ, naitena sūtragataṃ vyākhyātaṃ, jātāvekavacanasya bhāvāt | naitena trīṇi sūtrāṇi vyākhyātāni sūtrāṇāmanyaviṣayattvāt | tathā cāha- 'suttanivāto imo u avvate' tu . śabdaḥ punararthe sa ca punararthaṃ prakāśayan hetvarthamapi prakāśayati, yato'yamadhikṛtaḥ sūtranipāto'vyakte'vyaktaśabdaviṣayaḥ, | avyakto nāma śrutena vayasā cāprāpto'parikarmitaśca pūrvabhaṇitaṃca samastaṃ vyaktaviṣayamato'vyaktaviṣayatvaṃ ca prāguktamiti naitena prāguktena sūtratrayaṃ gatamiti | atrāha yadetat prāgvyākhyātaṃ na tena yadi sūtratrayaṃ gataṃ tarhi tadetat kuta āgataṃ sūtrāttāvanna bhavati | sūtrasyānyaviṣayatvāt | anyasmāccettarhi na vaktavyamasambaddhatvādata āha-uccāriya sarisamityādi parikarmaṇābhidhānaṃ yacca pūrvamācāradaśāsu bhikṣupratimāgatamuktaṃ | yathā gharasauṇī sīha ityādi tathā pariciyakālāmantaṇetyādiparikarmaṇābhidhānaṃ yacca pūrvamācāradaśāsu bhikṣupratimāgatamuktaṃ | yathā gharasauṇī sīha ityādi tathā pariciyakālāmantaṇetyādica prāgabhaṇitamapi prarūpitamuccaritasya sadṛśamanugatamiti kṛtvā kimuktaṃ bhavati? egallavihārapaḍimaṃ uvasaṃpacittāṇaṃ viharittae ityuktamettacca sūtrakhaṃḍa vyakte avyakte ca samānaṃ