Vavahara v21.p303

v21.p303

ālocagitavyaṃ | tadevamasatīti vyākhyātamadhunā tatthaivatti vyākhyā-yadi pārśvasthādiko nābhyuttiṣṭhati śuddhaṃ ca tapastena prāyaścitta tayā dattaṃ tatastatraiva tat śuddhaṃ tapo vahati yāvattapo vahati tāvattasyālocanāpradāyinaḥ sukhaduḥkhe gaveṣayati, sarvamudantaṃ vahatītyarthaḥ paścātkṛtagatameva vidhimāhaliṃgakaraṇaṃ nisejjā kitikammamanicchato paṇāmoya | emeya devayāe navaraṃ sāmāiyaṃ mottuṃ ||

vṛ- paścātkṛtasyetvarakālasāmāyikāropaṇa purassaramitvarakālaṃ liṅgakaraṇaṃ rajoharaṇasamarpaṇaṃ tadanantaraṃ niṣadyākaraṇaṃ | tataḥ kṛtikarmavandanakaṃ dātavyam | atha sa vandanakaṃnecchati tatastasya kṛtikarmā nicchataḥ praṇāmo vācā kāyena ca praṇāmamātraṃ kartavyaṃ pārśvasthāderapi kṛtikarmānicchāyāṃ praṇāmaḥ kartavyaḥ | evameva anenaiva prakāreṇa devatāyā api samyaktva bhāvitāyāḥ purataḥ ālocayati | navaraṃ sāmāyikāropaṇaṃ liṅgasamarpaṇaṃ ca na kartavyamaviratatvena tasyāstadyogyatāyā abhāvāt |
yaduktaṃ ' gaveṣaṇā jāva suhadukkhe' iti tadvyākhyānayati[bhā. 969]
āhāra uvahi sejjā esaṇāmādīsu hoi jaiyavvaṃ |
anumoyaṇa kārāvaṇa sikkhatti payammitto suddho ||
vṛ- āhāraḥ piṇḍa upadhipātraniryogādiḥ śayyā vasatireṣaṇāśabdaḥ pratyekamabhisambadhyate | āhāraiṣaṇāyāmupadhyeṣaṇāyāṃ śayyaiṣaṇāyāmādiśabdādvinayavaiyāvṛtyādiṣu ca bhavati tena yatitavyam | kathamityāha- anumodanena kārāpaṇena ca | kimuktaṃ bhavati ? yadi tasyālocanārhasya kaścidāhārādīn utpādayati tatastasyānumodanākaraṇataḥ protsāhane yatate athānyaḥ kaścinnotpādayatitataḥ svayamālocaka āhārādīn śuddhānutpādayati | atha śuddhaṃ notpādyate tataḥ śrāddhān protsāhyākalpikānapyāhārādīn yatanayā utpādayatīti | athākalpikānāhārādīnutpādayataḥ tasya mahatī malinatopajāyate | atha ca sa śuddhikaraṇārthaṃ tadantikamāgatastataḥ paraspara virodhaḥ | atrāha -sikkhatti payaṃmitī suddho yadyapi nāṃma tasyālocanārhasyārthāyā kalpikānapyāhārādīnutpādayati | tathāpyāsevanāśikṣā tasyāntike kriyate | bitiyapade apavādapade sa tathā varttamānaḥ śuddha eva tadeva bhāvayati

coiya se parivāraṃ akaremāṇe bhaṇai yā saḍḍhe | avvocchitti u suyabhattīe kuṇahayūyaṃ | |
vṛ- prathamataḥ se tasyālocanārhasya parivāraṃ vaiyāvṛtyādikamakurvantaṃ codayatiśikṣayati | tathā grahaṇā sevanā śikṣā niṣṇāta eṣa tata etasya vinayavaiyāvṛtyādikaṃ kriyamāṇaṃ mahānirjarāheturiti | evamapi śikṣamāṇo yadi na karoti tatastasminnakurvāṇe svayamāhārādīnutpādayati | atha svayaṃ śuddhaṃ prāyogyamāhārādikaṃ na labhate tataḥ śrāddhān bhaṇati prajñāpayati | prajñāpya ca tebhyo'kalpikamapi yatanayā sampādayati | naca vācyaṃ tasyaivaṃ kurvataḥ kathaṃ na doṣo yata āha-avvocchitītyādi | avyacchittikarasya pārśvasthādeḥ śrutabhaktihetubhūtayā akalpikasyāpyāhārādeḥ saṃpādanena śrutabhaktyā pūjāṃ kuruta yūyaṃ na ca tatra doṣa evamatrāpi | iyamatra bhāvanā yathā kāraṇe pārśvasthādīnāṃ samīpe sūtramarthaṃ ca gṛhṇāno'kalpikamapyāhārādikaṃ yatanayā tadarthaṃ pratisevamānaḥ śuddhī grahaṇaśikṣāyā kriyamāṇatvādevamālocanārhasyāpi nimittaṃ pratisevamānaḥ śuddha eva āsevanā śikṣāyāḥ tatsamīpe kriyamāṇatvāditi etadeva spaṣṭataraṃ bhāvayati