Vavahara v21.p315

v21.p315

vyavahāra - chedasūtram-1-2/36 gurugā iti anye ca bahavo doṣāstathā hi-tau sādhūsarvamātmīyaṃ bhāṇḍamādāya śūnyāṃ vasatiṃ kṛtvā gatau śayyātareṇa ca bahirāgatena śūnyāvasatirdṛṣṭā, tataḥ sa pṛcchati kva gatau sādhū iti gṛhamānuṣāṇi bhaṇanti | najānīma nūnaṃ gatau bhaviṣyataḥ, etat śrutvā yadi sa pratyanīkaṃ karoti yathā yadi gatau, tato gatāviti tadā tayoḥ prāyaścittaṃ caturlaghu, tathā'prītiṃ karoti yathā akṛtajñāste nistrehāstato' nāpṛcchyāgatāḥ, | athavā nirdākṣiṇyāste etamapyupacāraṃ na jānanti | yathā āpṛcchya gantavyamiti tadā caturgurukāstathā so'prītikotpattivaśāttayoranyeṣāṃ vā sādhūnāṃ tad dravyānyadravyavicchedaṃ kuryāt | tato bhūtairbhājanairāgatayostayoḥ śayyātaro na sthānaṃ dadyāt kopāveśāt yadi divā | niṣkāśayati tataścaturlaghu, taiśca bhṛtairbhājanairanyāṃ vasati yācamānayoryā āgāḍhādiparitāpanāt etanniṣpannaṃ caturlaghu loke ca garhopajāyate kutsitamābhyāṃ kimapyācaritamanyathā kathamakāṇḍa evākṛtabhojanau niṣkāśitau iti | evaṃ cānyatrāpi tau vasatiṃ na labhataḥ [labhete] | tato vasatimalabhamānau tāvadanyatra gacchataḥ tato māsakalpabhedastathā ca satiyā tatra virādhanā tanniṣpannamapitayoḥ prāyaścittamapicānye sādhavo vihārādinirgatāstatrāgatā anyā ca vasati statra na vidyate | sa ca śayyātaraḥ tatkṛtā prītivaśatasteṣāmapi vasatiṃ na dadāti, tato yatte svāpadastenādibhiḥ prāpnuvanti taṃ niṣpannamapi tayoḥ prāyaścittaṃ ete tāvaddoṣā bhikṣāmaṭitvā tatkṣaṇamāgatayoruktā, yadi punarbahirbhuktvā rātrāvāgatau vasati na labhete | tadā caturlaghu.
- vasati viśeṣatarāścagarhādayo doṣāḥ, vināśaḥ svāpadādibhyaḥ, athavā samyag dṛṣṭibhūtaḥ san paścādanāpṛcchya tau gatāvityaprītikotpattivaśato mithyātvaṃ yāvat baḍḍuyatti śūnyāṃ vasatiṃ dṛṣṭrā baṭukaiḥ śayyātaro yācito yathā vayamatratiṣṭhāmaḥ śayyātaraḥ prāha-śramaṇo tiṣṭhatastairuktaṃ gatau to śramaṇau śayyātarī brūte tiṣṭhata yadigatau śramaṇa, te sthitāḥ śramaṇāvāgatau praveṣṭuṃ pravṛttau baṭukairniruddhī, I tato'saṃkhaḍamabhavat baṭukā bruvate vasatiriyamasmākaṃ svāminā dattā | itarāvapi druto asmākamapi svāminā dattā | evaṃ kalahāyamānau sādhū śayyātarasamīpaṃ gatau sa vadati yūyamanāpṛcchyā śūnyāṃ vasatiṃ kṛtvā gatā mayā jñātaṃ
yūyaṃ gatā na śūnyākṛtā vasatirdṛśyate | tato mayā baṭukānāṃ pradattā tasmātparasparaṃ sāṃmatyenaikatra tiṣṭhata, na punarahaṃmātmānamalīkaṃ karomi | tatra yadi parasparaṃ sāṃmatyena tiṣṭhanti tataḥ paṭhatāṃ pratilekhanāṃ ca kurvatāṃ saṃyatabhāṣāśca śrutvā tābhirupahāsaṃ kurvanti, [kriyate] | tataḥ kalahabhāvato'dhikaraṇadoṣaḥ | athavā śayyātaraḥ saṃyatānāṃ bhadraka bhadraka ititān baṭukānniṣkāśayettataḥ saṃyataprayogavaśato'nena duṣṭena vayaṃ niṣkāśitā iti śayyātarasya saṃyatānāṃ ca viṣayastena prayogato'gniprakṣepādinā vāyamupadravaṃ kurvanti | tanniṣpannaprāyaścittaṃ to śramaṇau prāpnutaḥ | cāraṇeti evaṃ cāraṇe'pi doṣā vaktavyāḥ | navaramadhikatarā. yataste saṃyatān prapañcya yācitvā vā yattadgṛhṇanti | tatastaiḥ saha ekatra sarvathā na vastavyamete eva doṣā bhaṭe'pi yatastepi baṭukā iva pradviṣṭāḥ santaḥ śayyātarasya saṃyatānāṃ vā stenaprayogato'gniprakṣepādināvāprabhūtamupadravaṃ kurvanti || maraṇaṃtirikkhamanuyāṇamiti śūnyāṃ vasatimabhisamīkṣya gavādistiryaṅa anāthamanuṣyo vā praviśya mriyate taṃ yadi grahasthairasaṃyateḥ pariṣṭhāpayanti tataḥ ṣaṭ jīvanikāya virādhanā yadisvayaṃ tyajanti tataḥ pravacanasyoḍḍāhaḥ ko'pyavamāśaṅkayeta etairevāyaṃ mārito loke'pisvayaṃ tattyajane mahatī garhā aśucaya ete iti | athaitaddoṣabhayānna svayaṃ tyajantināpi gṛhasthaistyājayanti tato rudhiragandhena tayoḥ śramaṇayornāśāśasyupajāyante | athāsvādhyāyikamiti kṛtvā sūtrapauruṣīṃ na kurutastato māsalaghu artha pauruṣīṃ na kuruto māsaguru, sūtra pauruṣīmakurvatoḥ sūtraṃ cennaśyati | tataścaturlaghu |