Vavahara v21.p316

v21.p316

atha pauruṣīmakurvatorarthanāśe caturguru, avarṇaśca loke samucchalati | yathaite piśācamūrtayaḥ śmaśānepriyāḥ śmaśāne tiṣṭhantīti, | adisatti ādeśā nāma prāghūrṇakāste bhikṣāgatayoḥ śramaṇayoḥ samāgatāḥ śayyātareṇa ca śūnyāṃ vasatimupalabhya gatau śramaṇāviti vicintya sā vasatisteṣāṃ dattā | tato yathā baṭukacāraṇabhaṭeṣu doṣā uktāstathātrāpi draṣṭavyāḥ | vālattivyālo nāma sarpaḥ sa śunyaṃ dṛṣṭvā vasatau praviśet tato yadyāgatau to śramaṇī niṣkāśayatastato haritakāyamadhyena tasya gacchato'dhikaraṇadoṣaḥ anyasmin gṛhe praviṣṭastasmān mānuṣāṇidṛśetsa vā tairmāryeta | athaitaddoṣābhayānnaniṣkāśayatastatastena bhakṣyate | ātmavirādhanā nikāyaṇetti śunyāṃ vasatiṃ dṛṣṭvā tiraścī anāthamānuṣī vā samāgatya prasūte | tatra yadi tiracī śunī prasūtikā navaprasūtā niṣkāśyate niṣkāśanena nirāśrayā kriyate tadā sadyo jātapillakamaraṇaṃśunībhakṣaṇamātmavirādhanā ca | athavā mānuṣī prasūtā tata iyametayoreveti pravacanoḍḍāho niṣkāśane'dhikaraṇaṃloko brūyānniranukampā abhī ceḍarūpaṃ vā mriyate | athavā sā prasūtā ceḍarūpaṃ tyaktvā vrajettatra tasyojjhane niranukampā iti garhānuṣṭambhe uḍḍāha ete śūnyavasatikaraṇe doṣāḥ || samprati glānasya ekākino mocane maraṇe ca doṣānāha[ bhā. 1009 ]
gelanna suṇakaraṇe khaddhāiyaṇe gilāṇa anukaṃpā | sāṇātinayana dugaṃcchā tassadguyaṃbhi kālagae ||
vṛ- glānārthamātmārthaṃ vā nirgame glānaḥ śūnyo bhavet | tasya ca glānasya śūnyasya karaṇe pipāsā tadanububhukṣā vā yadyati pipāsito bubhukṣitaśca mahatā śabdena vyāharet | vyāhāraśravaṇācca gṛhasthā āgaccheyuste ca gṛhasthāḥ samāgatā yadyācate glānaḥ pathyamapathyaṃ vā tatsarvamanukampayā dadāti | tatra pathyasyāpathyasya vā khaddhasya pracurasya aiyaṇe iti adane bhakṣaṇe vamanaṃ bhūyātsa ca na kimapi kartuṃ samartho glānatvāditi vamanenamukhahṛdayādikaṃ sarvaṃkharaṇṭayet | taṃca tathā vamantaṃdṛṣṭvā śvānaḥ samāgatya taṃ vamyamānaṃ bhakṣayaṃti | bhakṣayantaśca mukhaṃ hṛdayādikaṃ ca lihanti | evaṃ śunāmatiyaṇetti adane bhakṣaṇe loke nindā jugupsā samupajāyate | yathā-dhigeteṣāṃ dharmarūpo vā yaditthamihaloke'pi phalamanubhavanti te iti gataṃ glānadvāram | | sampratimaraṇadvārabhāha-tassaṭhetyādi tasya glānasyārthaṃ yadvaidyauṣadhādi samānayanaprayojanāya grāmāntarādau gate yadi sa glānaḥ kālagato bhavet tadā amī doṣāstāne vāha

gihigoṇamallārāula niveyaṇāpāna kaḍḍaṇuḍḍāhe
chakkāyāṇavirādhana jjhāmiya mukke yadā- vanne |
vṛ- yadisa glānomṛtaḥ sadgṛhasthai niṣkāśyeta yadi vā balīvadairniṣkāśyate athavā mallaiḥ niṣkāśyate yadi vā kenāpi rājakule nivedanā kriyate yathā eko vratī anātho mṛta iti tato rājñā sa niṣkāśyeta | yadi vā kecit pāṇānāṃ cāṇḍālānāṃ mūlyaṃ datvā tai niṣkāśayeyuritthaṃ tasya glānasya karṣaṇe niṣkāśane pravacanasya uḍḍāho mālinyaṃ tathā gṛhasthādayo'yatanayā gacchanti tatastai nīyamāneṣannāṃ jīvanikāyānāṃ virādhanā saṃghaṭṭana paritāpana apadrāvaṇarūpā tathā tathāyatratasyāgnisaṃskāraḥ kartavyaḥ | tatra sthaṇḍilamasthaṇḍilaṃ veti [na] paribhāvayanti | tatastasminnasthaṇḍile dhyāmite [dagdhe ] 'gninā ṣaṭjīvanīkāyavirādhanā | atha nāgnisaṃskāraṃ kurvanti kintvevameva muñcati tathāpya sthaṇḍile mukte ṣaṭjīvanikāyavirādhanā | anyacca yadi tasya glānasya śarīraṃ kvacit pradeśeṣu vyāpannaṃ kuthitaṃ bhavet tatastasmin vyāpanne ayatanayā nīyamāne dvīndriyavirādhanā atraiva ca prāyaścittavidhimāha