Vavahara 1.21

1.21

parihārakappaṭṭhie bhikkhū bahiyā therāṇaṃ veyāvaḍiyāe gacchejjā| therā ya no sarejjā, kappati se nivvisamāṇassa egarāiyāe paḍimāe jaṇṇaṃ-jaṇṇaṃ disiṃ anne sāhammiyā viharaṃti taṇṇaṃ-taṇṇaṃ disaṃ uvalittae|
no se kappati tattha vihāravattiyaṃ vatthae kappati se tattha kāraṇavattiyaṃ vatthae| taṃsi ca ṇaṃ kāraṇaṃsi niṭṭhiyaṃsi paro vaejjā–vasāhi ajjo! egarāyaṃ vā durāyaṃ vā| evaṃ se kappai egarāyaṃ vā durāyaṃ vā vatthae, no se kappai paraṃ egarāyāo vā durāyāo vā vatthae| jaṃ tattha paraṃ egarāyāo vā durāyāo vā vasai, se saṃtarā chee vā parihāre vā|