Vavahara 1.22

1.22

parihārakappaṭṭhie bhikkhū bahiyā therāṇaṃ veyāvaḍiyāe gacchejjā, therā ya se sarejja vā no vā sarejjā, kappai se nivvisamāṇassa egarāiyāe paḍimāe jaṇṇaṃ-jaṇṇaṃ disaṃ anne sāhammiyā viharaṃti taṇṇaṃ-taṇṇaṃ disaṃ uvalittae|
no se kappati tattha vihāravattiyaṃ vatthae, kappai se tattha kāraṇavattiyaṃ vatthae| taṃsi ca ṇaṃ kāraṇaṃ si niṭṭhiyaṃsi paro vaejjā–vasāhi ajjo! egarāyaṃ vā durāyaṃ vā| evaṃ se kappai egarāyaṃ vā durāyaṃ vā vatthae, no se kappai paraṃ egarāyāo vā durāyāo vā vatthae|
jaṃ tattha paraṃ egarāyāo vā durāyāo vā vasai, se saṃtarā chee vā parihāre vā|