Vavahara 1.20

1.20

parihārakappaṭṭhie bhikkhū bahiyā therāṇaṃ veyāvaḍiyāe gacchejjā| therā ya se sarejjā, kappai se egarāiyāe paḍimāe jaṇṇaṃ-jaṇṇaṃ disaṃ anne sāhammiyā viharaṃti taṇṇaṃ-taṇṇaṃ disaṃ uvalittae| no se kappai tattha vihāravattiyaṃ vatthae, kappati se tattha kāraṇavattiyaṃ vatthae|
taṃsi ca ṇaṃ kāraṇaṃsi niṭṭhiyaṃsi paro vaejjā–vasāhi ajjo! egarāyaṃ vā durāyaṃ vā| evaṃ se kappati egarāyaṃ vā durāyaṃ vā vatthae, no se kappati paraṃ egarāyāo vā durāyāo vā vatthae|
jaṃ tattha paraṃ egarāyāo vā durāyāo vā vāsai, se saṃtarā chee vā parihāre vā|