Mahanisiha 2.3.408

2.3.408

(1) tahā ya itthīo nāma goyamā palaya-kāla-rayaṇī-miva savva-kālaṃ tamovalittāo bhavaṃti|
(2) vijju iva khaṇadiṭṭha-naṭṭha-pemmāo bhavaṃti|
(3) saraṇāgaya-ghāyago iva ekka-jammiyāo takkhaṇa-pasūya-jīvaṃta-muddha-niya-sisu-bhakkhīo iva mahā-pāva-kammāo bhavaṃti|
(4) khara-pavaṇuccāliya-lavaṇovahi-velāiva bahu-viha-vikappa-kallolamālāhiṃ ṇaṃ| khaṇaṃ pi egattha hi asaṃṭhiya-māṇasāo bhavaṃti|
(5) sayaṃbhuramaṇovahimamiva duravagāha-kaitavāo bhavaṃti|
(6) pavaṇo iva caḍula-sahāvāo bhavaṃti
(7) aggī iva savva-bhakkhāo, vāū iva savva-pharisāo, takkaro iva paratthalolāo, sāṇo iva dānamettamettīo, maccho iva havva-paricatta-nehāo,
(1) evamāi-anega-dosa-lakkha-paḍipunna-savvaṃgovaṃga-sabbhiṃtara-bāhirāṇaṃ mahāpāvakammāṇaṃ avinaya-visa-maṃjarīṇaṃ tatthuppanna-anattha-gaṃtha pasūīṇaṃ itthīṇaṃ|
(2) anavaraya-nijjharaṃtaduggaṃdhā'sui-cilīṇa-kuccha-ṇijja-niṃdaṇijja-khiṃsaṇijja-savvaṃgo -vaṃgāṇaṃ sabbhaṃtara-bāhirāṇaṃ|
(3) paramatthao mahāsattāṇaṃ nivvinna-kāma-bhogāṇaṃ goyamā savvuttamuttamapurisāṇaṃ ke nāma sayanne suviṇṇāya-dhammāhamme khaṇamavi abhilāsaṃ gacchijjā|