Mahanisiha 3.591

3.591

(7) ettha ya jattha jattha payaṃ paeṇā'nulaggaṃ suttālāvagaṃ na saṃpajjai, tattha tattha suyaharehiṃ kuli-hiya-doso na dāyavvo tti
(8) kiṃtu jo so eyassa aciṃta-ciṃtāmaṇī-kappabhūyassa mahānisīha-suyakkhaṃdhassa puvvāyariso āsi, tahiṃ ceva khaṃḍākhaṃḍīe uddehiyāiehiṃ heūhiṃ bahave pannagā parisaḍiyā|
(9) tahā vi accaṃta-sumahatthāisayaṃ ti imaṃ mahānisīha-suyakkhaṃdhaṃ kasiṇa-pavayaṇassa parama-sāra-bhūyaṃ paraṃ tattaṃ mahatthaṃti kaliūṇaṃ
(10) pavayaṇa-vacchallattaṇeṇaṃ bahu-bhava-sattovayāriyaṃ ca kāuṃ, tahā ya āya-hiyaṭṭhayāe āyariya-haribhaddeṇaṃ jaṃ tatthā''yarise diṭṭhaṃ taṃ savvaṃ sa-matīe sāhiūṇaṃ lihiyaṃ ti
(11) annehiṃ pi siddhasena divākara-vuḍḍhavāi-jakkhaseṇa-devagutta-jasavaddhaṇa-khamāsamaṇa-sīsa-ravigutta-ṇemicaṃda-jiṇadāsagaṇi-khamaga-saccarisi-pamuhehiṃ jugappahāṇa-suyaharehiṃ bahumanniya-miṇaṃ ti|