Uttarajjhayana v28.p131

v28.p131

uttarādhyayana-mūlasūtram-1-3/96 uktasvarūpam 'anābhogāt' ajñānāt, tathā 'guravaḥ' dharmācāryāsteṣāṃ niyogaḥ-vyāpāraṇaṃ guruniyogastasmādvā, kaściddhi samyagdṛṣṭiviśeṣato jīvādisvarūpānavagamād gurupratyayāccātattvamapi tattvamiti pratipadyate| tadevaṃ prathamagāthayā mithyātvahetukatvamaśraddhānasyoktam, dvitīyagāthayā punastadabhāve'pyanābhogaguruniyogahetukatvaṃ, tathā ca mithyātvāditaddhetunāṃ vyāpitvādaśraddhānabhūyastvena śraddhānudurlabhatoktā bhavatīti gāthādvayaparamārthaḥ || __nanu kimevaṃvidhā apī kecidatyantamṛjavaḥ sambhaveyuḥ? ye svayamāgamānusārimatayo'pi gurūpadeśato'nyathāpi pratipadyaren, evametat, tathāhi-jamāliprabhṛtīnāṃ nihnavānākaśiṣyāstadbhaktiyuktatayā svayamāgamānusārimatayo'pi gurupratyayādviparītamarthaṃ pratipannāḥ, uktaṃ hi"tae ṇaṃ jamālissa anagārassa evamāikkhamānassa evaṃ bhāsaṃtassa evaṃ pannavemānassa evaṃ parūvemānassa asthi egayayā samaṇā niggaṃthā eyamaṭuṃ saddahaṃti pattiyaṃti royaṃti" ityādi | ke punarami asadbhāvaṃ pratipannā ityāhani.[164] bahurayapaesaavvattasamuccha dugatigaabaddhigā ceva |
eesiṃ niggamaṇaṃ vucchāmi ahānupuvvīe| vṛ. 'vyākhyānato viśeṣapratipattiḥ' iti nyāyāt bahupu-kriyāniṣpattiviṣayasamayeṣu ratāḥ, ko'rthaḥ?-bahuṣu eva samayeṣu kriyāniṣpattirityasadbhāvaṃ pratipannāḥ 1, 'paesi'tti sūcakatvādasy antyapradeśajīvavādinaḥ antyaeva pradeśo jīva ityabhyupagatāḥ 2, avyaktāḥ-'satyā satyabhāme'tivat avyaktavādinaḥ, na atra vyaktyā yatirayamayatirvā ityādirūpatayā vastu vijñātuṃ śakyaṃ, tataḥ sarvamavyaktameveti pratijñāvantaḥ 3, ‘samuccha'tti sūtratvāt sāmucchedāḥ, tatra samitisāmastyena niranvayāt uditi-ūrdhvaṃ kṣaṇādupari bhavanāt chedo-nāśaḥ samucchedastaṃ vidanti tattvadhiyā sāmucchedāḥ, ___ eṣāṃ dvandve bahuratapradeśāvyaktasāmucchedāḥ, dvikaṃ-kriyāviṣayamekasamayamanubhūyamānamiha gṛhyate, tatpratijñātāro'pyupacārāt dvikāḥ, evaṃ trikaṃ-jīvājīvanojīvarāśivayaṃ tadabhyupagantāṣayameṣāmastīti abaddhikāḥ, eṣāṃ dvandve dvikatrikābaddhikāḥ, caḥ samuccaye eveti pūraṇe| atra kaḥ kasya śiṣya ityāśaṅkā'pohārthametannirgamābhidhitsayā sambandhamāha-'eesiṃ' eteṣāmanantaramupadarśitānāṃ, nirgamanaṃ-yasya yata utpattiḥ tadātmakaṃ vakṣyāmi' paribhāṣiṣye, 'athe'tyānantarye 'ānupūrvyā' krameṇeti gāthārthaḥ || pratijñātamevāhani.[ 165] bahuraya jamālipabhavā jīvapaesā ya tīsaguttāo|
avvattā''sāḍhāo sāmuccheyā''samittāo|| ni.[166] gaṃgāe dokiriyā chalagā terāsiāṇa uppatti|
therā ya guṭṭhamāhila puṭṭhamabaddhaṃ parūviti ||| vṛ. 'bahuratāḥ' uktarūpāḥ, jamāleḥ prabhavaḥ-etattīrthāpekṣayā prathamataḥ upalabdhireṣāṃ, na punaḥ sarvathotpattireva, prāgapyevaṃvidhābhidhāyisambhavāt, te amī jamāliprabhavāḥ, 'jīvapaesā ya'tti prastāvātpradeśa ityantyapradeśo jīvo yeṣāṃ te pradeśajīvāḥ, prākṛtatvācca vyatyayaḥ, te ca tiṣyaguptāt, 'avyaktāḥ' avyaktavādinaḥ āṣāḍhāt, sāmucchedā aśvamitrāt, 'gaṅgāt' iti