Uttarajjhayana v28.p214

v28.p214

jo jāṇaṃto karei, anābhogena ayāṇaṃto, saṃbuḍo mūlaguṇāisu, asaṃvuḍo tesu ceva, ahāsuhumabakuso acchāsu pūsiyā avaṇeti sarīre vā dhūlimāi avaṇṇeti |
kutsitaṃ śīlaṃ yasya pañcasu pratyekaṃ jñānādiṣu, so kusīlo duviho- paḍisevaṇākusīlo kasāyakusīlo, sammārāhaṇavivarīyā paḍigayā vā sevaṇā paḍisevaṇā paṃcasu nānāisu, kasāyakusīlo jassa paṃcasu nānāisu kasāehiṃ virāhaṇā kajjati so kasāyakusīlotti |
niyaṃṭho abbhitarabāhiragaṃthaniggato, so uvasaṃtakasāto khīṇakasāto vā aṃtomuhuttakālito, so paṃcaviho-paḍhamasamayaniyaṃṭho apaḍhamasamayaniyaṃṭho, ahavā caramasamayaniyaṃṭho acaramasamayaniyaṃto ahāsuhamaniyaṃṭhotti, aṃtomuhuttaniyaṃṭhakālasamayarāsīe paḍhamasamae paḍivajjamāṇo paḍhamasamayaniyaṃṭho, sesesu samayaesa vaṭṭamāṇo apaḍhamasamayaniyaṃṭho, aṃtime samae vaṭṭamāṇo caramasamayaniyaṃṭho, acaramā - ādimajjhā, ahāsuhumo eesu savvesu'vi |

siṇāto - snātako mohaṇijjāighātiyacaukammāvagato siṇāto bhaṇṇati, so paṃcavihoacchavī asabalo akammaso saṃsuddhanāṇadaṃsadharo arahā jino kevalī, acchavī-avyathakaḥ, sabalo suddhasuddho egaṃtasuddho asabalo, aṃśā avayavāḥ karmaṇaste avagayā jassa so akammaṃso, saṃsuddhāṇi nānadaṃsaṇāṇi dhāreti jo so saṃsuddhaṇāṇadaṃsaṇadharo, pūjāmarhatīti arahā, athavā nāsya rahasyaṃ vidyata iti arahā, jitakaṣāyatvājjinaḥ eso paṃcaviho siṇāyago | tattha niyaṃṭhapulāto bakusakusīlo niyaṃṭha nhāto ya | tattha pulāo duviho āsevaṇa laddhito ceva || pulāgabakusakusīlā niyaṃṭhasiṇāyagā ya nāyavvā | eesi paṃcahavi hoi vibhāsā imā kamaso || tattha pulāto duviho laddhipulāto taheva iyaro vā | laddhipulāto saṃghāikajja iyaro ya paṃcaviho | nāṇe daṃsaṇacaraṇe liṃge ahasuhumae ya nāyavvo | nāṇe daṃsaṇacaraṇe tesiṃ tu virādhana asāro || liṃgapulāto annaṃ nikkāraṇato kareti so liṃgaṃ | manasā akappiyāīnisevao hoyahāsumo || sarīre uvakaraṇe vā bāusiyattaṃ duhā samakkhāyaṃ | sukkilavatthāṇi dhare dese savve sarīraṃmi || ābhogamanābhogaṃ saṃbuḍamasaṃbuḍe ahāsuhume | so vivi usa paṃcaviho hoi nāyavvo | ābhoge jāṇato kareti dosaṃ tahā anābhoge| muluttarehi saṃbuḍo vivarīya asaṃbuḍo hoti || acchimuhamajjamāṇo hoi ahāsuhumato tahā bauso | paḍisevaṇākasāe hoi kusīlo duhā eso || nāṇe daṃsaṇacaraṇe tave ya ahasuhuma ya boddhavve |